Varias ovellas procedentes da finca da papelera ocupan a Nacional N-550.

Ás 9:30 horas do sábado, 2 de xaneiro, cinco ovellas que sairon da finca da papelera de Pontecesures preto da vía férrea, subiron pola rúa Cantillo e pasaron á estrada nacional á altura da estación de servizo da Ponte. Afortunadamente non se produxo ningún accidente de tráfico pero varios vehículos tiveron que deterse. Logo de estar polas leiras próximas ao camiño peonil que parte da antiga Casa Castaño ata a rúa Cantillo por baixo da nacional, a donde foron conducidas por varios veciños, as ovellas retornaron á finca da Papelera pola propia vía férrea. A Policía Local avisou ao propietario da finca e do gando para que se fixese cargo das ovellas.