O xogador cesureño do Betis estivo onte na presentación do campus e firmou autógrafos, camisetas e fotos á rapazada | da
O Concello de Pontecesures vai celebrar os vindeiros 26, 27 e 28 de xuño un “Campus de Porteir@s” apadriñado polo xogador cesureño do Betis Fran Vieites. Trátase dunha iniciativa coa que o goberno local quere fomentar o deporte base e formar novos talentos aproveitando a figura do xogador, que milita agora na Primeira División e levou ao equipo andaluz ata a final da Conference League.
O campus foi presentado no Concello coa presenza do propio porteiro, da alcaldesa Maite Tocino, o monitor deportivo Marcos Jamardo ‘Pichi’ e o tenente de alcalde Roque Araújo. Ademais, estivo presente tamén a rapazada que a esa hora tiña adestramento coa escola deportiva municipal, que ten agora mesmo 72 nenas e nenos cos que se traballa o ocio saudable e a formación en valores, “sobre todo o traballo en equipo e o respecto tanto a compañeiros como rivais”, subliñou Tocino.
“Foi ese éxito e a confianza das familias o que nos animou a emprender coa iniciativa do campus, e a intentar contar con Fran Vieites, un xogador cesureño que medrou nas propias escolas e mantén o vínculo coa vila sempre que as súas obrigas laborais llo permiten. É unha sorte e un orgullo poder contar cun veciño de tanto talento devolvendo á xente nova a formación que tamén recibiu aquí”.
Vieites mostrouse “encantado” co proxecto e atendeu a toda a rapazada asinando cromos, fotos, camisetas, zapatillas e facendo fotos con cadaquén que llo pediu. Explicou tamén o seu traballo e técnicas de adestramento como porteiro, nas que afondará en persoa o vindeiro sábado 28 directamente coas nenas e nenos participantes na iniciativa. O campus desenvolverase no campo Ramón Diéguez de Pontecesures. O obxectivo principal é que as 14 nenas e nenos adquiran as técnicas e habilidades propias da posición.
O prazo de inscrición abrese o luns ás 9 da mañá, cubríndose as 14 prazas por orde de solicitude. Poderán participar rapazas e rapaces ben da escola municipal ou de equipos da zona.
Solidariedade, música e gastronomía déronse cita esta fin de semana en Pontecesures co gallo da celebración da nosas Letras.
O venres, a Biblioteca saeu á rúa. No troco libros por pienso 𝐫𝐞𝐜𝐨𝐥𝐥é𝐫𝐨𝐧𝐬𝐞 𝟗𝟕 𝐤𝐠 𝐝𝐞 𝐚𝐥𝐢𝐦𝐞𝐧𝐭𝐨 𝐩𝐚𝐫𝐚 𝐠𝐚𝐭𝐨𝐬 𝐞 𝐫𝐞𝐩𝐚𝐫𝐭í𝐫𝐨𝐧𝐬𝐞 𝐝𝐮𝐜𝐢𝐚𝐬 𝐝𝐞 𝐥𝐢𝐛𝐫𝐨𝐬 do expurgo de fondos bibliográficos.
AC Xarandeira e as pandereteiras de AC San Pedro de Carcacía actuaron o sábado amosando, unha vez máis, o seu dominio e experiencia na música e baile tradicional
A Ruta de Tapas das Letras Galegas reparteu máis de 1200 tapas, mostra do bo facer e implicación da hostalería cesureña. Nesta edición resultou gañadora a proposta 𝙈𝙤𝙧𝙙𝙞𝙙𝙖 𝘼𝙩𝙡á𝙣𝙩𝙞𝙘𝙖 𝙙𝙚 𝘾𝙖𝙛𝙚𝙩𝙚𝙧í𝙖 𝙊 𝙍𝙚𝙚𝙣𝙘𝙤𝙣𝙩𝙧𝙤.
𝐏𝐚𝐫𝐚𝐛é𝐧𝐬 𝐚 𝐭𝐨𝐝𝐚𝐬 𝐞 𝐭𝐨𝐝𝐨𝐬 𝐨𝐬 𝐩𝐚𝐫𝐭𝐢𝐜𝐢𝐩𝐚𝐧𝐭𝐞𝐬 𝐞 𝐚𝐠𝐫𝐚𝐝𝐞𝐜𝐞𝐫 𝐚 𝐢𝐦𝐩𝐥𝐢𝐜𝐚𝐜𝐢ó𝐧 𝐞 𝐩𝐚𝐫𝐭𝐢𝐜𝐢𝐩𝐚𝐜𝐢ó𝐧 𝐝𝐚𝐬 𝐯𝐞𝐜𝐢ñ𝐚𝐬, 𝐯𝐞𝐜𝐢ñ𝐨𝐬, 𝐡𝐨𝐬𝐭𝐚𝐥𝐞𝐫í𝐚 𝐞 𝐯𝐢𝐬𝐢𝐭𝐚𝐧𝐭𝐞𝐬 nesta fin de semana de homenaxe ás nosas Letras
O pasado sábado falamos do maio e de maio: 𝐝𝐚𝐬 𝐚𝐜𝐭𝐢𝐯𝐢𝐝𝐚𝐝𝐞𝐬 𝐞 𝐝𝐨𝐬 𝐫𝐢𝐭𝐨𝐬 𝐯𝐞𝐧𝐜𝐞𝐥𝐥𝐚𝐝𝐨𝐬 𝐚 𝐞𝐬𝐭𝐚 é𝐩𝐨𝐜𝐚 𝐝𝐨 𝐚𝐧𝐨. A colaboración das mulleres que participaron na actividade foi decisiva para, por unha banda elaborar o maio e, por outra, para coñecer e descubrir ritos e costumes da zona.
No mes de maio, na Ascensión, as mulleres embarazadas non podían, dende que saía o sol ata que volvía a poñerse, realizar ningunha actividade, nin sequera peinarse; a colocación da xesta é un rito propio da nosa comarca para evitar quedar “amaiado” o resto do ano e descoñecido para os e as asistentes que viñeron doutras vilas; no San Isidro Labrador non se podían traballar as leiras, xa que existía a crenza de que perxudicaría ás colleitas…..
Temos que 𝐚𝐠𝐫𝐚𝐝𝐞𝐜𝐞𝐫 𝐨 𝐞𝐧𝐨𝐫𝐦𝐞 𝐭𝐫𝐚𝐛𝐚𝐥𝐥𝐨 𝐫𝐞𝐚𝐥𝐢𝐳𝐚𝐝𝐨 𝐩𝐨𝐥𝐨 𝐠𝐫𝐮𝐩𝐨 𝐝𝐞 𝐦𝐮𝐥𝐥𝐞𝐫𝐞𝐬 𝐪𝐮𝐞 𝐞𝐥𝐚𝐛𝐨𝐫𝐚𝐫𝐨𝐧 𝐮𝐧 𝐦𝐚𝐢𝐨 𝐦𝐨𝐢 𝐩𝐚𝐫𝐭𝐢𝐜𝐮𝐥𝐚𝐫 𝐯𝐞𝐧𝐜𝐞𝐥𝐥𝐚𝐝𝐨 á 𝐧𝐨𝐬𝐚 𝐜𝐮𝐥𝐭𝐮𝐫𝐚, 𝐮𝐧𝐡𝐚 𝐩𝐚𝐭𝐢𝐟𝐚 que estará exposta na Praza de Abastos, e que aportaron a súa transmisión de coñecemento en torno a costumes descoñecidas para a maioría.
O deportista cesureño 𝐃𝐚𝐦𝐢𝐚𝐧 𝐒𝐞𝐫𝐫𝐚𝐦𝐢𝐭𝐨 𝐄𝐬𝐩𝐞𝐫ó𝐧 ven de proclamarse 𝐬𝐮𝐛𝐜𝐚𝐦𝐩𝐢ó𝐧 𝐧𝐨 𝐂𝐚𝐦𝐩𝐢𝐨𝐧𝐚𝐭𝐨 𝐝𝐞 𝐄𝐬𝐩𝐚ñ𝐚 𝐝𝐞 𝐋𝐨𝐢𝐭𝐚 𝐒𝐚𝐦𝐛𝐨, celebrado en Xixón o sábado 14 de marzo participando na categoría Cadete, inferior a 49 kg.
Os excelentes resultados acadados por Damian, membro do @judo_club_senin, súmanse ós do @nauticopontecesures, que neste mes de marzo ven de 𝐢𝐦𝐩𝐨ñ𝐞𝐫𝐬𝐞 𝐧𝐚 𝐜𝐚𝐭𝐞𝐠𝐨𝐫í𝐚 𝐟𝐞𝐦𝐢𝐧𝐢𝐧𝐚 𝐧𝐨 𝐂𝐚𝐦𝐩𝐢𝐨𝐧𝐚𝐭𝐨 𝐆𝐚𝐥𝐞𝐠𝐨 𝐝𝐞 𝐈𝐧𝐯𝐞𝐫𝐧𝐨 𝐢𝐧𝐝𝐢𝐯𝐢𝐝𝐮𝐚𝐥 𝐩𝐚𝐫𝐚 𝐗𝐨𝐯𝐞𝐧𝐞𝐬 𝐏𝐫𝐨𝐦𝐞𝐬𝐚𝐬 e obter 𝐚 𝐩𝐚𝐥𝐢𝐬𝐭𝐚 𝐝𝐨 𝐍𝐚ú𝐭𝐢𝐜𝐨 𝐍𝐞𝐫𝐞𝐚 𝐍𝐨𝐯𝐨, 𝐚 𝐭𝐞𝐫𝐜𝐞𝐢𝐫𝐚 𝐩𝐨𝐬𝐢𝐜𝐢ó𝐧 no LV Campionato de Inverno en Sevilla
Logros que confirman a puxanza dos deportistas e clubs cesureños e dos que todas e todos debemos sentirnos orgullosas e orgullosos!
O equipo de goberno cesureño publicou, con apenas 48 horas de antelación, o programa de actos para conmemorar o Día Internacional da Muller neste 2025, por certo con algún erro ortográfico incluído. Fiel ao seu xa coñecido modo de actuar, volve sorprendernos coa súa planificación para o vindeiro sábado 8 de marzo: absolutamente NADA. O executivo decidiu que o mellor momento para desenvolver actividades enmarcadas na igualdade, a diversidade e o empoderamento feminino é un mércores ás 9 da mañá, en lugar do propio 8 de marzo, cando unha maior parte da cidadanía podería participar e dar visibilidade a unha causa tan fundamental. Esta decisión non só limita a asistencia, senón que tamén resta impacto á loita contra unha problemática inadmisible nunha sociedade moderna. Socialistas e nacionalistas presumen de situar estas accións no eixo das súas políticas; unha vez máis, en Pontecesures vemos como din unha cousa e predican coa contraria.
