Pequeno lume preto da pista da Barosa de Pontecesures.

Sobre a 1:30 h. da pasada noite, houbo un pequeno lume na marxe esquerda desta pista (a que vai ata a AP-9), preto da finca do “Canario”. O lume, que afectou a moi pouco matorral, foi extinguido xa polos veciños, sen precisarse a intervención de efectivos de Protección Civil de Pontecesures e Padrón que se achegaron ao lugar. Tamén se achegou unha motobomba que regou a zona para impedir un novo lume.