A Deputación designa mañá, 15 de marzo, aos cinco peóns para Pontecesures.

Para mañá convocou o organismo provincial aos aspirantes que figuran na lista remitida alí pola Oficina de Emprego para realizar as entrevistas que levará a cabo o persoal da Deputación.
Está previsto que os traballadores seleccionados xa comecen a prestar servizos o 16 de marzo por un período de seis meses.
Lémbrase que ante a demora (noutros concellos os traballadores xa foron contratados o 1 de febreiro), o concello realizou todo tipo de xestións para adiantar no posible a selección xa que os traballadores son moi necesarios para realizar diversas tarefas nos bens públicos.