Elimínanse os residuos de dúas zonas do porto de Pontecesures.

Na parte final do porto de Pontecesures, había dous puntos onde eran depositados, dende hai anos, residuos procedentes de obras. Ademáis dos problemas de salubridade, estábase a dar unha sensación de abandono nunha zona realmente concorrida e moitos veciños criticaban esta acumulación de escombros e terra nestes vertedoiros incontrolados.

Pois ben; nos pasados días o concello acometeu a limpeza destes focos contaminantes (Portos de Galicia non se fixo cargo destes traballos), mellorándose considerablemente a zona que está preto da EDAR de Pontecesures. Coa explanada preparada, vaise celebrar os días 2 e 3 abril unha nova edición de FEGACLASIC.

No futuro o concello vai adoptar medidas para que non se boten, de novo, escombros na zona.