O Náutico de Pontecesures participou no Descenso do Miño.

As Torres foi segundo no Descenso do Miño de Ourense con 1.753 puntos. O Ciudad de Pontevedra gañou a proba con 1.811,5, o Ría de Aldán foi terceiro con 1.640,5, e o Breogán do Grove foi cuarto con 1.478, co Náutico Pontecesures pechando o top ten con 864. Ademais, o Piragüismo Cambados rematou no posto 13 con 645 puntos, e o Liceo Casino de Vilagarcía no posto 25 con 259.
Foron dez os podios arousáns individuais. Incluídos tres vitorias. A do grovense do Firrete Tono Campos en Sénior C-1, a da parella das Torres formada por Borja Crespo e Iván Caamaño en Cadete K-2, cos liceístas Roberto Mouriño e Miguel Ángel Abad terceiros, e o triunfo da breoganista Tania Álvarez en Xuvenil K-1, proba con triplete do seu club escoltada no podio por María Amelia Rojo, segunda, e por Natalia García, terceira.
En Cadete K-1 Laura García, do Breogán, e Rebeca Laurijssen, do N. Pontecesures, remataron segunda e terceira, o vikingo Rubén Gómez foi segundo en Xuvenil C-1, e o breoganista Manuel García terceiro en Cadete C-1.

LA VOZ DE GALICIA, 21/06/11