Convocadas para o xoves 21 as sesións constitutivas das comisións informativas do Concello de Pontecesures.

Ás 12:30 horas reunirase a Comisión de Obras, Urbanismo e Servizos integrada por Manuel Luis Álvarez Angueira (BNG), Arturo Ferro González (BNG), José Ramón Cadilla Piñeiro (PP), Ángel Manuel Souto Cordo (TG) e María Isabel Castro Barreiro (IP). Na orde do día vai a elección do presidente da comisión e a fixación do réxime de sesións.

Ás 12:45 horas reunirase a Comisión de Asuntos Xerais integrada por Margarita Carolina García Castro (BNG), Cecilia Tarela Barreiro (BNG), Juan Manuel Vidal Seage (PP), Flora Ferreirós Lema (IP) e Roque Luis Araújo Rey (PSdeG-PSOE). Na orde do día van os mesmos puntos que na comisión anterior.

Ás 13:00 horas reunirase a Comisión Especial de Contas, Facenda, Patrimonio e Contratación integrada por Manuel Luis Álvarez Angueira (BNG), Arturo Ferro González (BNG), Juan Manuel Vidal Seage (PP), María Isabel Castro Barreiro (IP) e Roque Luis Araújo Rey (PSdeG-PSOE). Ademais dos puntos da elección do presidente e do réxime de sesións, nesta comisión informarase a Conta Xeral do Orzamento 2010 e analizarase un convenio para a delegación no ORAL da xestión, liquidación e recadación das altas no Imposto de Vehículos de Tracción Mecánica.