Nenos e maiores mallarán mañá o trigo en Cordeiro.

Mañá xoves, a partir das 11 horas, terá lugar no patio do colexio Ferro Couselo de Cordeiro, a malla de trigo enmarcada dentro dos IV Encontros Interxeracionais do Concello de Valga. Os maiores da asociación AXENTIVA procederán a malla-lo trigo ao xeito tradicional, cos antiguos manles. Os Encontros Interxeracionais pretenden achegar xeracións ao concello e que os maiores transmitan a súa experiencia, sabedoría, formas de traballo, tradición oral, xogos populares, etc.. aos máis novos, para que non se perdan no esquecemento, ademais de fomentar o respecto e a tolerancia, explica o Concello de Valga.

DIARIO DE PONTEVEDRA, 28/09/11