Proposta de suba de varias taxas por parte do goberno local de Pontecesures no pleno de mañá, 26 de marzo.

O goberno local propón elevar as taxas da piscina municipal da utilización do pavillón municipal e fixar a do campo de fútbol que non a tiña.

Taxas en vigor:
Piscina. Por entrada:
Nenos (ata 12 anos): 0,45 euros
Adultos: 1,20 euros
Bonos mensuais nenos: 9 euros
Bonos mensuais adultos:. 27 euros
Polideportivo:
Por utilización do pavillón: 6 euros/hora ou fracción
Campo de fútbol: Non existía a taxa.

Taxas que propón o goberno local
Piscina. Por entrada:
Nenos (ata 10 anos). 1,50 euros
Adultos. 3 euros
Bonos de vinte entradas para nenos, ata 10 anos. 20 euros
Bonos de vinte entradas para adultos. 40 euros
Polideportivo.
Por utilización o pavillón. 10 euros/hora ou fracción.
Campo de fútbol:
Por utilización do campo de fútbol. 35 euros/hora ou fracción.

Por outra banda tamén o goberno propón elevar as taxas da escola infantil.

Taxas vixentes:
Xornada completa: 110 euros
Xornada reducida (5 horas): 93,50 euros
Comedor: 33 euros/mes. 2 euros día solto
Horario ampliado: 13,75 euros.

Taxas que propón o goberno local:
Xornada completa: 160 euros
Xornada reducida ata un máximo de 5 horas: 85% da tarifa completa
Comedor 38,69 euros/mes: 2,35 euros día solto
Horarios ampliado 16,11 euros por cada hora de incremento

Nas taxas actuais hai reduccións en funcións das rendas familiares e do salario mínimo interprofesional. Nas que se propón as reduccións son sobre o indicador público da renda de efectos múltiples (IPREM) como se reflicte na normativa da Xunta

Agás no servizo de comedor, preténdense aplicar os prezos máximos fixados no Decreto 49/2012 da Consellería de Taballo e Benestar no que se aprobou o novo réxime de prezos das escolas infantís dependentes da consellería.

Como as reduccións en función das rendas van ser menores, segundo o informe municipal a recadación mensual do concello na gardería que ten 59/60 nenos pasará duns 2.800 a uns 4.760 euros.