Padrón tivo políticos con pouca vista.

Padrón vai ver como en poucos días botan abaixo o esqueleto de formigón que se levantou hai xa once anos na Pedreira. A construcción sempre despertou polémica e foi o centro de debates políticos en moitas ocasións. Non era para menos.

No seu día a idea era facer setenta e catro vivendas con semisótano, planta baixa, dous pisos e baixo cuberta mesmo ó carón do convento do Carmen e a un paso do Santiaguiño. Pero a construcción se fixo sen licenza municipal, sen permiso da Xunta e sen autorización de Patrimonio. Pero coa vista gorda do alcalde e dos responsables de Urbanismo, que non foi dabondo.

Chegaron as denuncias e os xuízos e as multas e as ordes de derribo… E agora, despois de que durante once anos os padroneses tivesen que frotar os ollos cada vez que veían ese esqueleto de cemento cerca do convento e ata tirarse dos pelos, hai que contratar a piqueta.
Son vinte mil euros que ben se podían aforrar se en canto apareceron os da obra se lle pediran os permisos. E o peor é que aquí non pasa nada. Ninguén asume responsabilidades. Pois eses cartos terían que saír dos que fixeron a vista.

«Cousas do demo», por Víctor Furelos
TIERRAS DE SANTIAGO, 12/06/12