O Concello de Pontecesures adhirese ao programa de voluntariado dixital da Xunta de Galicia.

O programa de voluntariado dixital suma 67 empresas e institucións.

Un total de 67 empresas, concellos, asociacións e organismos públicos adherironse ao Programa de Voluntariado Dixital promovido pola Axencia de Modernización Tecnolóxica de Galicia (AMTEGA) E a Consellería de Traballo.

O acto de sinatura, que se levou a cabo o no 26 de xuño, estivo presidido pola directora da Amtega, Mar Pereira, e o director xeral de Xuventude e Voluntariado, Ovidio Rodeiro. En representación dos asinantes interviñeron Anxo Queiruga, presidente do Comité Español de Representantes de Persoas con Discapacidade na Comunidade (CERMI Galicia); María Luisa Ansorena, presidenta da Unión Democrática de Pensionistas; Fernando Suárez, presidente do Colexio de Enxeñaría en Informática de Galicia; Manuel Ruiz, alcalde Ribeira en representación da FGAMP; e Antonio Rodríguez del Corral, vicepresidente e presidente en funcións do Cluster TIC Galicia. En representación do Concello de Pontecesures acudíu o concelleiro de Servizos Sociais Roque Araujo que asinou a adhesión a este programa.

Esta iniciativa ten como obxectivo facilitar o acceso ás novas tecnoloxías ás persoas maiores ou con discapacidade mediante o apoio de 191 voluntarios que ofrecen os seus servizos coordinados polo programa.

A iniciativa suma así a solidariedade individual, a responsabilidade social das empresas do ámbito tecnolóxico, a colaboración das asociacións sen ánimo de lucro e o aproveitamento das infraestruturas públicas para incrementar as accións de alfabetización dixital.