ACP denuncia a existencia dun vertedoiro incontrolado na rúa Calera de Porto.

Preto das súas casas, os veciños da rúa Calera de Porto están a soportar, co conseguinte malestar, como se está a formar este vertedoiro incontrolado. Os terreos. en estado de total abandono, onde están depositados os escombros, son propiedade de Portos de Galicia, pero o goberno local de Pontecesures consinte que se depositen os residuos neste espazo ocasionándose un problema de seguridade e estética a carón dunha pista municipal moi concorrida.
Segundo as informacións obtidas, os escombros proceden de obras realizadas na zona, pero o que é gravísimo, e que tamén fora o propio concello o que deixara alí residuos procedentes de algunha actuación muncipal. Resulta lamentable que, en lugar de dar exemplo, sexa o persoal municipal o que deposite escombros neste punto contaminando a zona. Se o concello fai iso, ¿que forza moral ten para requirir aos particulares que non o fagan?.

Xa en época do goberno anterior houbo que gastar miles de euros dos recursos municipais para retirar grandes cantidades de escombros que estaban acumulados dende había anos na explanada portuaria, preto da EDAR, e así foi recuperado un espazo para a celebración das Feiras do Automóbil. Esperemos que a qun sigan acumulándose agora residuos, xesionando o goberno local a retirada dos mesmos e a limpeza do terreo, para que non ter que destinar dentro dun tempo cantidades importantes a dita limpeza ou ser obxecto de sanción por parte das autoridades medioambientais.

Luis Ángel Sabariz Rolán
Concelleiro da ACP de Pontecesures