Satisfacción da ACP pola colocación da verxa no tramo de Condide do Camiño Portugués.

A finais de agosto esta agrupación solicitou á S.A. de Xestión do Plan Xacobeo a colocación inmediata desta reixa xa que a anterior estaba afundida e uns veciños tiveran que colocar unhas ponlas de árbores no oco para advertir, sobre todo áos ciclistas que fan o camiño, do perigo que presentaba esta deficiencia.

O goberno local, en nota pública, acusoume de alterar a data da foto ou de, incluso, retirar eu a reixa para «fabricar» a deficiencia para criticar a xestión municipal. Din a resposta oportuna, naturalmente, dicindo que estabamos ante un grupo ineficaz que non atende as necesidades dos veciños da vila.

Pois ben; a denuncia da ACP tivo un bo resultado e a reixa foi colocada o venres pasado, ao parecer, por persoal de mantemento dependente do Xacobeo. Iso é o importante, e amosa que ten que ser a oposición a que se preocupe deste tipo de deficiencias no Camiño Portugués ante a deisadez do goberno que temos.