Escrito do alcalde aos veciños de Pontecesures sobre o Canon da Auga.

Pontecesures a 21 de novembro de 2012

Estimado veciño/a

Diríxome a vostede para comunicarlle que dende o pasado 1 de xullo de 2012, conxuntamente co recibo da auga do Concello de Pontecesures, estase a facturar o novo Canon da Auga imposto pola Xunta de Galicia.

Trátase dun tributo propio da Comunidade Autónoma de Galicia, creado na Lei 9/2010 de 4 de novembro que ademais implicou a derrogación do antigo Canon de Saneamento. Grava o uso e consumo de auga no territorio de Galicia.

A efectos da súa aplicación aos cidadáns, a lei establece para as entidades subministradoras de auga, que repercutamos o Canon da Auga aos seus abonados, e ingresar os importes percibidos a �?ugas de Galicia, organismo da Xunta de Galicia.

Para facturar esta taxa a lei obriga a considerar, inicialmente, que en cada domicilio viven tres persoas, polo que en caso de residir máis persoas deberá solicitar a Augas de Galicia a modificación do número de persoas. Se vostede está nesa situaión, pode realizar a declaración para beneficiarse de maiores volumes de auga nos tramos máis baratos. Para efectuar a declaración do número de persoas, Augas de Galicia dispón do modelo AU23OH, que, debidamente cumprimentado, poderá ser presentado ante ese organismo.

Para descargar a solicitude: http://www.canondaauga.es/gl/9-como-podo-demostrar-o-numero-de-persoas-que-somos-na-vivenda-para-adaptar-o-numero-de-metros.

Teño especial interese en que vexa que a variación que experimenta o recibo non é consecuencia de ningún incremento nin nova taxa aplicada polo concello de Pontecesures.

Finalmente, indicarlle a nosa dispoñibilidade, a través das oficinas do Concello, para a atención de todas as dúbidas e consultas que lle poidan xurdir sobre o novo tributo da Xunta relacionados coa auga.

Sen outro particular, reciba un atento saúdo.

O alcalde. Manuel Luis Álvarez Angueira.