A maxia da derradeira noite de abril.

O ritual de alumear o pan, a través do lume purificador e da cinza, perviviu nas terras de Iria ata o ano 2010// Autores como Vicenti, Murguía, Piñeiro Ares ou Borobó tentaron afondar no seu significado e na súa orixe // O cerimonial nocturno pretendía espantar as meigas e pedir boa colleita

Ata hai ben pouco, aínda nalgún curruncho da comarca do Sar, os campesiños alumeaban o pan. E facíano rememorando unha vella tradición que bebe nas fontes das culturas ancestrais e que tiña por obxecto espantar as meigas e pedir boa colleita de trigo e de centeo.

Este cerimonial ígnico tiña como protagonistas o lume, os froitos e os cánticos. Celebrábase ó caer á noite do 30 de abril e prolongábase ata ben entrada a madrugada do día un de maio. Algúns autores galegos recolleron nos seus escritos este curioso ritual e tentaron afondar nas orixes do mesmo sen decantarse por unha hipótese clara.

EL CORREO GALLEGO, 28/04/13