Algo máis de 150 persoas na concentración de hoxe na Estación de FF.CC. de Pontecesures.

Ás 20:41 horas os asistentes gardaron un minuto de silencio na memoria dos falecidos no accidente ferroviario de Santiago de Compostela, e un cuarto de hora despois como se ía incorporando máis xente gardouse de novo o minuto de silencio. O acto, que foi moi emotivo, rematou cunha gran ovación dos asistentes.
Antes de gardar o respectuoso silencio, os nenos colocaron velas acendidas no andén para lembrar ás vitimas.