O día 6 de setembro, xornada de confraternidade dos antigos alumnos da academia de D. Feliciano.

Ás 12 horas do mañá venres, 6 de setembro, reuniranse fronte ao edificio onde estivo instalado o local de ensino (R./ San Lois, 52) os que foran alumnos na academia dos mestres Feliciano Touceda e José Fernández Carlés, para celebrar unha xornada de confraternidade como todos os anos.
Partirán de alí, acompañados polo grupo folclórico Algueirada, pola rúa San Lois ata a Igrexa Parroquial de Pontecesures onde será oficiada unha misa ás 12:30 horas. Logo terá lugar o xantar.