ACP solicita que se limpe o regato da Chancela para evitar asolagamentos en vivendas da rúa Portarraxoi

O tramo do regato da Chancela que vai dende a estrada nacional N-550 ata a parte traseira das vivendas da rúa Portarraxoi, no centro de Pontecesures, está en condicións lamentables con desperdicios e maleza por todas partes. �? moi urxente a limpeza pois agora coas choivas se non se fai as augas desbórdanse do cauce e os riscos de asolagamento das vivendas na rúa Portarraxoi son moi grandes. Xa houbo problemas hai anos con estas augas.

Os veciños están preocupados e o goberno local non actúa como en tantas e tantas cousas. Este grupo insta a que se acometa a limpeza do regato co persoal municipal (e só un día de traballo). �? certo que podería corresponderlle a limpeza a Augas de Galicia, pero ou ben o goberno xestiona a realización dos labores con toda celeridade co organismo, ou ben acomete xa a limpeza cos obreiros municipais. Os veciños non poden esperar a que se resolvan os asuntos competenciais co regato sen limpar e co conseguinte risco de danos para as súas propiedades.