MANIFESTO DO CONCELLO DE PONTECESURES POLO DÍA INTERNACIONAL DA LOITA CONTRA A VIOLENCIA DE X�?NERO

O Concello de Pontecesures, en representación de toda a súa veciñanza, condena nesta declaración calquera tipo de violencia contra a muller, sen admitir ningún tipo de xustificación e expresando a maior das repulsas.

A violencia de xénero é unha lacra mundial. Un atentado contra os dereitos humanos e a dignidade das persoas, que impide á sociedade avanzar polo camiño do progreso social e o benestar.

A loita contra a violencia de xénero non entende de recortes. A loita contra a violencia de xénero supón un dos obxectivos que todo Goberno debe ter como prioritario e fundamental á hora de deseñar as súas políticas, impulsando leis e políticas activas en prol da igualdade e contra todo tipo de discriminación.

Porque a erradicación desta violencia, tanto física como sicolóxica, rematará cunha das máis duras e graves lacras da sociedade actual: a da violencia que exerce o home sobre a muller e, en moitos casos, sobre as e os seus fillos. Unha discriminación que na súa máxima expresión violenta chega a provocar a morte da muller a mans da súa parella ou ex parella.

Merece especial mención polo seu impacto na loita contra a violencia de xénero é o da prevención. Activar e desenvolver políticas dirixidas a evitar este tipo de violencia, sobre todo naqueles ámbitos nos que existe unha maior vulnerabilidade como a mocidade �??os datos falan dun alarmante incremento da violencia nas etapas da adolescencia e da etapa universitaria- ou o entorno rural, debe converterse nun obxectivo prioritario á hora de poñer freo a uns datos arrepiantes.

A loita contra a violencia de xénero é unha tarefa común. Só a través dunha responsabilidade compartida entre a cidadanía e os poderes públicos, poderemos erradicar definitivamente esta terrible lacra social.

Por todo elo:

Desde o Concello de Pontecesures asumimos o compromiso de loitar contra todo tipo de violencia, denunciando as agresións, apoiando ás vítimas, sen calar ante a violencia e sementando nas xeracións futuras o respeito entre homes e mulleres.

Co desexo de que no futuro no haxa motivo algún para conmemorar o día 25 de novembro como o Día Internacional da Loita contra a Violencia de Xénero, asinamos este Manifesto, facendo constar o noso compromiso social con esta loita contra calquera acto que atente contra a integridade e a dignidade da muller.