Espectacular incendio no edificio onde estaba o bar «A Pía».

Sobre ás 4:45 horas da pasada madrugada declarouse un incendio neste edificio situado na rúa San Lois nº 25 no pleno centro de Pontecesures. A edificación de baixo e dous andares, moi antiga, na que non vivía ninguén quedou arrasada por completo. Houbo un importante operativo para a extinción do incendio. Estábase a avaliar se houbo danos nas edificacións colindantes das que foron evacuados os seus habitantes ao se declarar o incendio.