ENTROIDO 2018 EN PONTECESURES.
O Concello de Pontecesures invita a maiores e pequenos a participar no Concurso de Disfraces que terá lugar o Domingo 11 de febreiro de 2018.
A partir das 17 horas todos os participantes deberán estar na rúa Portarraxoi (esquina Rúa Ullán), dende onde sairá ás 17.30 h. O Desfile de Entroido, pasará pola rúa San Lois, Travesía da Estación, rúa Rosalía de Castro, rúa Sagasta e rematará na Prazuela. O Xurado acompañará o desfile para ter tempo de valorar ós participantes. O percorrido poderá sufrir modificacións, notificándollo antes da saída ós participantes.
As inscricións de grupos e comparsas poderán realizarse ata as 14.00 horas do venres 09 de febreiro nas Oficinas do Concello. Tamén poderán formalizarse as inscricións o mesmo día do concurso para individuais e parellas, das 16 h. ata as 17.15 h. A partir das 17.15 h. péchase o prazo de inscrición.
En caso de choiva o Desfile e Concurso de Entroido quedará suspendido.
0 comentarios