AVISO – CAMPAMENTO DE VERÁN MUNICIPAL: REQUERIMENTO DE DOCUMENTACIÓN AOS SOLICITANTES

Debido á elevada demanda de prazas para o servizo de conciliación de verán e dacordo co recollido nas bases da convocatoria, faise necesario solicitar a todas as persoas que desexen optar a acadar praza para o Campamento de Verán 2021 de Pontecesures a acreditación das circunstancias que xustifiquen a necesidade de conciliar a fin de realizar o proceso de selección e adxudicación de praza e garantir que o obxecto e espírito da iniciativa se cumpren.

A tal fin, todos/as os/as solicitantes, tanto aqueles que xa se teñan inscrito coma os que o soliciten en adiante, deberán achegar á maior brevidade posible e, en calquer caso, antes da data límite para anotarse –25 de xuño-, a documentación que se relaciona a continuación:

– Documentación que acredite a situación laboral (certificado de empresa ou contrato laboral).

– Copia  da declaración do IRPF 2020 de todos os membros da unidade familiar (no caso de usuarios non empadroados en Pontecesures, acompañarase do correspondente certificado de convivencia).