Aviso do Concello de Pontecesures para as Festas do Carme 2023.

Hoxe a alcaldía acordou ampliar nunha hora o horario xeral de peche de cafeterías, bares, salas de festas, discotecas, pubs e cafés espectáculos no Concello de Pontecesures, durante o período de celebración das Festas do Carmen 2023, os días 1 e 2 de xullo de 2023. Polo que a veciñanza poderá gozar un pouco máis dos establecementos da zona durante as festas. Aconsellamos aos residentes que pregunten os horarios dos seus establecementos favoritos, que verán aumentados nunha hora a maiores do que indica a norma reguladora (DOG nº 219 de 30.10.2020). Compartimos o cartel da FESTA NA HONRA DA VIRXE DO CARMEN esperando vervos a todos e todas alí!

Concello de Pontecesures