Para dar cumprimento ó establecido no artigo 39.2 da Lei
Orgánica 5/1985, de 19 de xuño, do Réxime Electoral Xeral (LOREG), ponse en
coñecemento dos veciños que durante o período comprendido entre o 30 de setembro e o 7 de outubro (ámbolos dous incluídos),
estarán expostas ó público nas oficinas municipais, as Listas do Censo Electoral correspondentes a este Municipio, a
efectos de presentación de reclamacións.
Lémbrase
en especial a comprobar estas listas ós grupos que poidan verse máis afectados,
como poden ser os que cumpriron recentemente 18 anos e os que cambiaron de
domicilio nos últimos meses.
O Concello
de Pontecesures acolle a exposición itinerante
“O
Camiño por Mar”
Organizada por
Buxa, Asociación Galega do Patrimonio Industrial, a mostra poderá visitarse na
Casa da lamprea, na Praza de Abastos, entre as 09:00 e as 13:00 horas da mañá e
as 16:00 e as 20:00 da tarde.
Esta
iniciativa forma parte do programa O teu Xacobeo, impulsado pola Xunta de
Galicia.
O concello
de Pontecesures acollerá do 10 ao 12 de outubro a exposición O
Camiño por Mar que organiza a Asociación Galega do Patrimonio
Industrial, Buxa. Trátase dunha mostra itinerante sobre a peregrinación en
bote de Dublín a Santiago feita por catro amigos irlandeses no ano 2014. O
proxecto forma parte do programa O teu Xacobeo, impulsado pola
Xunta de Galicia.
Co
fin de difundir e poñer en valor o Camiño por Mar, Buxa organiza esta
exposición dirixida a todos os públicos que poderá visitarse na Casa
da lamprea (na Praza de Abastos) do concello entre as 09:00 e as 13:00
horas da mañá e as 16:00 e as 20:00 horas da tarde. A través de grandes
láminas con textos e ilustracións, descríbese a historia da peregrinación en
bote desde Dublín así como do tráxico final que aconteceu na desembocadura do
río Miño ademais de contemplar algúns dos aspectos máis salientables das
relacións entre Galicia e Irlanda.
Esta
mostra itinerante, que continuará a súa andaina por outros concellos galegos,
complementa a que, desde o 7 de xuño pode verse no Museo do Mar de Galicia en
Vigo onde se está a restaurar o bote, o naomhóg, xa convertido no símbolo
do Camiño por Mar e epicentro dunha serie de actividades que rememorarán a
tradición do Camiño por mar, da navegación e das históricas relacións
galaico-irlandesas.
Unha
viaxe en bote dende Dublín ata Santiago de Compostela
No
ano 2014 un grupo de amigos irlandeses decidiran construír un bote co que
emprender o Camiño Xacobeo a remo dende Dublín a Santiago de Compostela.
A
viaxe suporía un recorrido de 2.500 quilómetros por mar, que fixeron de xeito
espazado ao longo de tres anos. Tras pasar polas costas inglesas e francesas, o
bote bordeaba as costas españolas para desembarcar finalmente no porto da
Coruña. Dende alí, os tripulantes continuaron a peregrinación ata Santiago de
Compostela.
A construción
do currach ou naomhóg –así se denomina a embarcación– non foi
doada. Despois de traballar nela durante varios meses, os catro remeiros
puideron comezar as probas de navegación e os seus propios adestramentos para a
travesía.
En medio dunha grande
expectación mediática, a aventura concluíu con éxito en 2016. Un ano máis
tarde, os catro amigos decidiron facer unha ruta pola costa galega que acabou
cun fatídico accidente en Caminha levándose por diante a vida de Danny e a
embarcación.
A Deputación de
Pontevedra aprobou a principios deste ano o Plan Concellos 2019, con varias
liñas de subvencións para os concellos da provincia.
Nunha destas liñas
(Liña II – Amortización, pagamento de débedas e gasto corrente) destinou ó
concello de Pontecesures un total de 32.842,93 € para invertir no pago de 3
mensualidades (xaneiro, febreiro e marzo 2019) do canon de recollida do lixo,
saneamento e recollida dos RAEE e pequenos escombros do mésticos; cun valor
estimado de 38.391,18 €.
