CONCELLO DE PONTECESURES

Festa da bicicleta Pontecesures 2012.

Baixo a denominación UNETE Á VOLTA e co patrocinio da Deputación de Pontevedra, celébrase un ano máis a Festa da bicicleta en Pontecesures. Realizaráse un percorrido cicloturista polo noso pobo cubrindo unha distancia de 11,5 km.

Sábado 29 de setembro na Plazuela ás 17.30 horas (hora de saída). Concentración de cicloturistas no mesmo lugar a partir das 17.00 horas.

Para participar é preciso ter unha idade mínima de 8 anos e é obrigatorio o uso do casco.

Como novidade destacada este ano estará presente na ruta o exciclista profesional Marcos Serrano.

Ao remate da ruta cicloturista sortearanse entre tódolos participantes varios agasallos, entre eles unha bicicleta donada por BERUCA BIKES de Pontecesures.

Máis información e o itinerario completo da ruta no seguinte enlace da web da Deputación de Pontevedra:

http://www.uneteavolta.depo.es/web/unete-a-volta/44

 

Por CONCELLO DE PONTECESURES, fai

Pontecesures amplía a rede wifi gratuíta.

O Concello de Pontecesures instalou na praza do Coche de Pedra un servizo de wifi gratuito. Para poder acceder ao mesmo é necesario un rexistro de usuario que se realiza de forma automatizada.

A instalación realízase no marco do proxecto “Repoblar” promovido pola Deputación de Pontevedra. Deste xeito colocouse unha antena que da servizo gratuito de Internet a toda a praza do Coche de Pedra e as súas inmediacións.

Deste xeito, os vecinos e veciñas de Pontecesures, a través do seu portátil ou de calquer outro aparato electrónico con acceso a Internet só teñen que buscar as redes “Repoblar” ou “Iberbanda” e conectarse.

Na primera conexión abrirase unha pantalla na que se solicita o rexistro do usuario, para o cal deberase indicar nome, número de teléfono móbil e o enderezo electrónico; inmediatamente a persoa recibe unha mensaxe de texto no móbil co nome de usuario e contraseña que deberá empregar para poder acceder a Internet.

Este novo punto de servizo de wi-fi gratuito, súmase ao xa existente no entorno da biblioteca municipal.

 

Por CONCELLO DE PONTECESURES, fai

Campaña de orientación auditiva a cargo de GAES en Pontecesures.

Dentro das campañas auditivas de acercamento ao medio rural, que realiza GAES, para o coñecemento das solucións para a problemática auditiva que se presenta a certas idades; esta empresa levará a cabo unha xornada de orientación auditiva en Pontecesures. Xornada gratuíta dirixida a tódalas persoas interesadas.

Venres 21 de setembro

De 10.00 a 13.30 horas.

No Centro Social de Pontecesures.

 

Por CONCELLO DE PONTECESURES, fai