A Fundación Rosalía de Castro de Padrón pecha o luns, 24 de febreiro, data do nacemento da escritora, a celebración do 150 aniversario da publicación de Cantares Gallegos e faino coa presentación do proxecto de edición de «De Cantares Hoxe. Os Cantares Gallegos de Rosalía de Castro no século XXI», feito en colaboración coa radio autonómica. Será as sete da tarde no auditorio da Casa-Museo de A Matanza, en Padrón.
Tamén fará unha ofrenda floral na Alameda de Santiago, en colaboración con este Concello e unha acción colectiva en Internet. Trátase dun selfie ou autorretrato con calquera motivo relacionado con Rosalía, para compartir nas redes sociais.
La Voz de Galicia
