Dende o día de onte e por mor da baixa por enfermidade da súa encargada, permanece pechada a biblioteca municipal de Pontecesures. O goberno local non buscou solución algunha para a substitución desta traballadora mentres estea de baixa médica e agora neste período de Nadal temos a instalación pechada prexudicando aos usuarios deste servizo.
Que non nos veñan dende o executivo dicindo que o problema son os límites establecidos pola normativa estatal para contratar persoal temporal. ? certo que os hai, pero non para cubrir necesidades urxentes e inaprazables nos sectores e funcións que se consideren prioritarios ou que afecten ao funcionamento dos servizos públicos esenciais.
Obviamente corresponde ao concello decidir as necesidades urxentes e inaprazables prioritarias, pero unha delas debe ser contratar a un traballador/a por uns días, mentres estea de baixa médica a titular, para que a biblioteca municipal non peche. Moito fala o goberno local da defensa da educación e da cultura pero logo adopta este tipo de medidas que non se entenden. Están sempre criticando ás outras administracións polos recortes e aquí en Pontecesures estes recortes están a ser continuos nesta lexislatura.
Dende ACP pregamos ao executivo local que recapacite e que adopte as medidas oportunas para que a biblioteca municipal non continúe pechada.
Pontecesures, 17/12/13
Luis Ángel Sabariz Rolán
Concelleiro da ACP Pontecesures
