Como nos últimos anos a Diputación vai contratar operarios de servizos dentro do Plan Provincial de Emprego 2012. A Pontecesures, como a todos os concellos, correspóndenlle 9 traballadores/as, con contrato por seis meses. Ese ano a novidade é que serán traballadores a tempo parcial por 25 horas semanais. O custo é asumido na súa totlaidade polo ente provincial, e o concello só ten que poñer os materiais e a roupa de traballo.
Lémbrase que a selección faina a Deputación, mediante a entrevista correspondente, e a relación laboral é entre o órgano provincial é o traballador co salario aplicable no convenio da institución.
O Concello de Pontecesures debe indicar a ocupación e o tipo de traballo para que a Deputación faga a oferta de emprego na correspondente oficina.
Os traballadores desempregados que aspiren á selección é fundamental que se interesen canto antes no concello sobre as ocupacións solicitadas, e actualizar na Oficina de Emprego os datos e ocupacións nas que están inscritos. Hai que ter en conta que dende ditas oficinas van ir as listas cos preseleccionados/as á Deputación (varios candidatos por praza) e só serán citados para a entrevista as persoas que figuran na lista para decidir logo os traballadores/as seleccionados.
