Sin Categoria

Ruta «Desembocadura Sar-Ulla» ,do Programa Goza do Ulla, en Padrón.

Ruta que discorre por diversos lugares de Padrón, percorre tramos do río Ulla e a súa confluencia co río Sar.

Esta ruta está programada para o sábado 8 de setembro dentro do Programa GOZA DO ULLA que inclue outras rutas por concellos que están bañados polo río Ulla.

A duración estimada desta ruta é de 3 horas. Inscricións para o 8 de setembro no teléfono 981 881 329 ou no mail  deportespadron@yahoo.es

Lugar e horario de saída: No Centro Social de Padrón ás 10.00 horas.

Información completa do Programa GOZA DO ULLA con tódalas rutas neste enlace:

http://pontecesures.org/vernoticia.asp?id=382

 

 

Por CONCELLO DE PONTECESURES, hace

Problemas para circular pola rúa Cantillo de San Xulián.

Ás marxes da rúa Cantillo, preto do Camiño Portugués da Ruta Xacobea, teñen unha maleza tan crecida que dificultan o paso de vehículos e peóns. Hai queixas non só dos veciños do lugar de San Xuliián de Pontecesures, senón tamén dos de Cortiñas (Padrón) xa que é a pista máis utilizada para acceder a dito lugar do municipio limítrofe.

Prégase así ao goberno local que se acometa un labor de limpeza con toda urxencia das marxes desta pista que ten un tráfico considerable.

Pontecesures, 04/09/12
Luis Ángel Sabariz Rolán
Concellediro da ACP de Pontecesures

Por Luis Angel Sabariz Rolán, hace

A Deputación vai contratar seis operarios para traballar no Concello de Pontecesures.

De novo a Deputación de Pontevedra vai contratar persoal desempregado para os concellos. Nesta ocasión serán seis operarios de servizos para traballar en Pontecesures por seis meses a partir do vindeiro día 1 de outubro con contrato a tempo parcial por 25 horas semanais.
Lémbrase que a selección do persoal e a contratación correspóndelle a Deputación e para iso dende a oficina de emprego de Vilagarcía vai ser remitida ao organismo provincial unha lista de desempregados preseleccionados (inflúe antigüidade no paro, ocupacións, etc..) logo de presentarse a oferta de emprego.
Ao parecer, a mediados deste mes terá lugar a entrevista en Pontevedra por parte da Deputación aos preseleccionados para decidir os seis que se contratan.
Os interesados deben contrastar e actualizar con celeridade, no seu caso, os seus datos na oficina de emprego de Vilagarcía.

Por Luis Angel Sabariz Rolán, hace

Exposto ao público o censo que rexerá nas eleccións autonómicas do 21 de outubro.

Entre os días 3 e 10 de setembro, está exposto ao público a efectos de reclamacións o Censo Electoral de Pontecesures que será o que rexerá nas vindeiras eleccións autonómicas. ? importante consultar o censo na Casa do Concello para corrixir omisións, erros en apelidos, domicilio, etc…Porén; hai que ter en conta que o censo está pechado a 30/05/12. Isto quere dicir que se algunha persoa inscribiuse no padrón en data posterior, vota no concello de onde viña. De igual xeito, de empadroarse noutro concello despois do 30 de maio de 2012 e causar baixa no noso, o 21 de outubro todavía vota en Pontecesures.

Por Luis Angel Sabariz Rolán, hace

Grande éxito de participación na ruta «Ollando o Ullán».

Cunha participación de 40 persoas (na fotografía faltan unhas 15 persoas) no día de onte, 2 de setembro,  levouse a cabo  esta ruta, que está enmarcada no Programa Goza do Ulla polo cal que se realiza unha ruta por cada concello polo que transcorre o río Ulla.

Os participantes, a maioría de fora de Pontecesures, mostraron o seu agrado polo trazado e paisaxes da ruta que cubríu unha distancia de 17,5 km pasando por lugares como o monte de Castro Valente, monte Salgueiras, Campo Redondo, Mirador da Galiñeira, etc.

Máis fotografías no seguinte enlace:

http://pontecesures.org/galeria.asp?cat=34&gal=39

 

Por CONCELLO DE PONTECESURES, hace