Sin Categoria

O CPI de Pontecesures xa dispón de catro aulas dixitais.

O 24 de novembro de 2011 procedéuse á instalación do material necesario para converter as aulas de 6º de Educación Primaria e de 2º de Educación Secundaria Obrigatoria en aulas dixitais, conforme á planificación do Plan Abalar da Xunta de Galicia, que se insire dentro do proxecto estatal Escuela 2.0.

Isto representa un paso máis na integración das Tecnoloxías da Información e Comunicación na práctica cotiá das aulas, nunha resposta aos desafíos que se presentan ante a tarefa educativa nestes tempos de velocidade dixital.

Con esta actuación, o CPI PONTECESURES conta xa con catro aulas dixitais, dotadas de conectividade a internet, pizarra dixital, ordenador, e un portátil para cada alumno e alumna.

Isto significa que se avanza, pouco a pouco, cara a un novo modelo de ensino e aprendizaxe no que a cultura dixital será requisito indispensable e reformulará a relación cos hábitos tradicionais que deberá converxer nun diálogo fructífero, xa que neste eido, nada hai máis moderno que saber ler e comprender o mundo no que vivimos.

Por CONCELLO DE PONTECESURES, hace

Posta en funcionamento do novo alumeado da Rúa Calera.

O equipo de goberno do Concello de Pontecesures informa a tódolos veciños que o vindeiro venres 25 de novembro entrará en funcionamento o novo alumeado da Rúa Calera. Esta obra, que tivo un orzamento de 51.067,60 ?, estivo enmarcada no PID (Plan de Inversións da Deputación de Pontevedra) e foi comezada o pasado 10 de outubro. Así pois, dende o goberno municipal queremos manifestar nosa satisfacción pola posta en marcha desta nova instalación.

 

Por CONCELLO DE PONTECESURES, hace

Contestación á nota da Comisión de Festas da Ponte.

Este colectivo arremete publicamente contra este concelleiro polo mero feito de denunciar ante á opinión pública que o Concello de Pontecesures pagou unha factura da actuación, en pasarrúas, dun grupo folclórico que actuou nas Festas de A Ponte (Padrón). Pois ben; desexo respostar o seguinte:

1. Reitero o insólito, e irregular, do pago en cuestión. Un concello non pode pagar directamente a factura dun acto festivo celebrado en outro. Non está nas súas competencias. Os cartos de todos os cesureños non poden gastarse de calquera xeito, por moito que diga agora a Comisión de Festas da Ponte.

2. Non ten interese algún este concelleiro en polemizar con este colectivo. ? unha obriga como membro da corporación dar a coñecer estas irregularidades e non se debe pasar por alto este asunto.

3. Que a actuación fora o día 15, como dí a comisión, ou o 16 de agosto, é indiferente. Afirmouse que foi o día 16 porque esa é a data que figura na factura emitida polo grupo folclórico e presentada no rexistro do Concello de Pontecesures. No noso municipio non houbo festa ningún deses días, e este concelleiro bastante ten con estar atento aos actos do noso concello.

4. Que non nos veña agora a Comisión de A Ponte con aspectos sentimentais e de boa relación veciñal. Ninguén os discute, pero iso non xustifica a decisión disparatada de pagar a factura por parte do noso concello. Naturalmente o goberno local é o responsable de dita decisión e aínda por enriba quere poñer como un diaño a este concelleiro diante dos veciños de A Ponte. Por certo; se tan ben quería quedar o equipo de goberno coa comisión, lémbrolle aquilo de que as alegrías cos cartos dun, non cos do Concello de Pontecesures que é de todos.

5. Non teño que pedir desculpas a ninguén. A miña conciencia está moi tranquila e o meu deber cumprido. Foi unha pago indebido, sen precedente semellante algún, e así hai que dicilo a todos os nosos veciños.

Pontecesures, 13/11/11

Luis Ángel Sabariz Rolán
Concelleiro da ACP de Pontecesures

Por Luis Angel Sabariz Rolán, hace