Poderanse disfrutar obras de destacados autores da arte da banda deseñada
O Concello de Pontecesures acollerá durante as vindeiras semanas unha exposición con traballos de Rafael Losada, un barcelonés asentado en A Illa vinculado ao cómic. A exposición poderáse visitar na Casa do Concello en horario de mañá.
A mostra inclúe traballos de destacados debuxantes do ámbito nacional e internacional como Jordi Longaron, Stan, Drake, Pepe González, Modesty Blaze, Arturo del Castillo e José Ortiz, pertencentes á colección particular do propio Rafael Losada
La exposición quere destacar a relevancia que tivo o soporte en papel para a difusión da banda deseñada frente aos tempos actuais nos que se prioriza o formato dixital. Hai que destacar o cartel anunciador desta mostra, realizado en exclusiva por Rafael Losada, e que dedica á muller en xeral e á súa participación no cómic con heroínas que acadaron o éxito a nivel mundial: Modesty Blake, Friday Foster, Juliet Jones e Vampirella, e que en palabras do autor ??xustifico a necesidade desta homenaxe polos recortes feitos na protección á muller e aos malos tratos que padece?.
O acto de presentación desta exposición terá lugar o vindeiro luns 23 de xullo, ás 12:00 h no Casa do Concello e contará coa presenza de Rafael Losada e do alcalde de A Illa, Manel Vázquez e a concelleira de Servizos Sociais e Medio Ambiente de dito Concello, Lola Folgar.
