Sin Categoria
Cecilia Tarela nova responsable local do BNG en Pontecesures
A Asamblea Local do BNG de Pontecesures reuníuse na tarde do martes 14 de xullo para renovar a directiva do Consello Local.
Por unanimidade de todos os asistentes saíu elexida como nova responsable local, en sustitución de D. Xurxo Gerpe Jamardo, Dª Cecilia Tarela Barreiro.
Sin Categoria
Máis de tres meses e aínda non hai contas da lamprea. Vaia goberno.
O pasado 10 de xuño o BNG solicitou via rexistro no concello a seguinte informacion: contas detalladas da Festa da Lamprea (6 de abril) mais da Feira do automovil 5-6 abril), esta última promovida e organizada dende o concello. A dia de hoxe (10 de xullo)todavia non recibimos contestación algunha, e xa pasaron máis de tres meses dende a sua celebración. ¿Como e posible que aínda non estean feitas? Ou o que é ainda peor, quérenllas ocultar a oposición. Hoxe mesmo foron solicitadas por 2º vez esta semana respondendo a Sr Castro que “xa llas pedira o Sr Rey”. Pero seguen de todas as maneiras sen aparecer.
Esto demóstranos a falla de transparencia que ten o desgoberno de Pontecesures, o que algúns empregaron coma bandeira política nas pasadas eleicións municipais agora que están no goberno esquécense de aplicala.
Para nós é inaceptable e antidemocrático este feito, e ven a demostrarnos unha vez maís a madeira da que esta feita a nosa alcaldesa Maribel Castro.
Esperamos dende o BNG que con toda celeridade nós sexan entregada istas contas requeridas, para poder examinalas e valoralas polo miudo e asi poder informar aos veciños de Pontecesures que teñen todo o dereito do mundo a coñecer en que se empregan os seus cartos .
Sin Categoria
Xa non lle interesa nin o “Centro de día” nin o “Parque Empresarial”
O pasado dia 27 de xuño , visitou Pontecesures o delegado territorial da Xunta D. Jose Manuel Cores Touris que foi recibido polo goberno municipal. A esa xuntanza non foron invitados os concelleiros do bng, que recordamos representan mais do 40% dos veciños do noso pobo. Isto demostra unha vez mais o talante antidemocrático da alcaldesa Maribel Castro e dos seus apoios, que “esquécense ” de avisar ao BNG , tal vez sexa por que nós demostrariamos nesa xuntanza que iste goberno carece de ideas e proxectos de futuro para o noso pobo .
Nesa reunion con Touris o goberno municipal non falou cunha voz única senon que cada membro dodesgoberno pedia o primeiro que lle pasaba pola testa demostrando a incapacidade que teñen istes personaxes para gobernar Pontecesures.
A xuizo do BNG quedaron no tinteiro proxectos tan importantes coma o poligono industrial tan necesario nestes tempos de crise para incentivar o desenvolvemento industrial e o emprego; tampouco se falou do centro de dia quedando os nosos maiores esquecidos.
O BNG querelle recordar a este desgoberno municipal que é, con claridade a primeira forza política no concello de Pontecesures, representando a unha boa parte dos veciños e veciñas e se carecen de ideas e proxectos poden revisar o programa electoral do BNG das pasadas eleccións municipais
.
Asamblea Local BNG Pontecesures
Persoeiros
Andrés Quintá: “En época de crise, o inxenio e as novidades son as claves para a saída do túnel”.
Andrés Quintá, presidente do Grupo Quintá, cre que é necesario “conectar” a demanda de emprego das empresas co contido dos ciclos formativos.
A necesidade agudiza o inxenio, xa o di o refrán. E “en época de crise, o inxenio e as ideas novidosas son fundamentais para sair desta situación na que se atopan os mercados a nivel mundial. As solucións non están escritas, hai que buscalas e aunar esforzos entre todos para saír adiante”. Así o considera Andrés Quintá, presidente do Grupo Quintá, empresa líder no sector do aluminio que ten participado en obras tan emblemáticas como a Cidade das Ciencias de Valencia, a Torre Milenium, o Pabellón de Aragón da “Expo Zaragaoza 2008”, a Fundación Zara ou as Torres de García Barbón, entre outras.
Par a Quintá é fundamental a formación dos nosos xoves xa que “se os traballadores non contan cunha capacitación profesional axeitada, o fracaso está garantido”. “Todo aquel xoven que queira acadar unha meta na vida, ten que facer como os bos deportistas: adestrar todos os días. ? dicir, primeiro ten que estudar e aprender, formarse, ter os coñecementos necesarios e despois adquirir a experiencia coa práctica”. Para Anddrés Quintá existe un “desfase importante”, entre a demanda de emprego das empresas e os actuais ciclos formativos. Neste senso, asegura que “levo máis de 30 anos tentando que as administracións se acheguen ás empresas para coñecer as súas necesidades e, a partír de aí, encauzar e dirixir os contidos dos ciclos formativos e potenciar a práctica nas industrias dende o primeiro ano de estudos, Un traballador é unha empresa, se queren seren competitivos, teñen que acadar a maior formación posible”
DIARIO DEA ROUSA, 05/07/09