Web non oficial de Pontecesures

Bello Maneiro: «No meu partido non se valora o esforzo que facemos en Valga».

Bello sostén que todos os políticos deberían pasar pola xestión municipal

José María Bello Maneiro
2 de maio de 1949 en Cordeiro
Contable
Casado, ten dous fillos e unha filla
Alcalde de Valga dende 1991
O despacho de José María Bello Maneiro é un espazo, non cabe dúbida, habitado. Os seus vinte anos na alcaldía de Valga encárnanse nunha morea de obxectos e recordos dominados por un televisor de bo tamaño. ? coma unha extensión do propio rexedor, quen accedeu ao cargo cunha candidatura independente que desembocou no PP.
-¿Cantos anos tiña vostede cando entrou neste despacho?
-Tiña 41 anos. Agora estou a piques de cumprir 61.
-¿Non é moito tempo?
-Pois a verdade é que entrei en política de casualidade e, en principio, sen interese ningún, debo recoñecelo. Teño unha experiencia persoal de asistir a un pleno, no primeiro mandato democrático, como público, moi desagradable, con discusións permanentes, insultos e faltas de respecto. Díxenme que nunca estaría en política, e a vida levoume a que non fose así.
-A xente vén falar con vostede e agarda o momento que lle toque. Agora mesmo hai catro persoas esperando. Non parece este un traballo tranquilo…
-Nun Concello a verdade é que nunca se está tranquilo, sempre hai demandas. E máis nestes momentos, non que non se poden levar adiante tantas cousas pola situación económica. O máis preocupante é o paro, a cantidade de familias que pasan polo Concello. ? inquietante ver familias que non teñen ingresos de ningún tipo e non poder facer nada porque un non ten unha variña máxica.

-¿Que pode facer un Concello para crear emprego?
-Nós, por exemplo, fixemos que as empresas que contrataron obras co Concello contratasen persoal de Valga. Nestes anos creáronse así moitos postos de traballo; provisionais, claro, pero polo menos distribuíron ingresos entre as familias. Unha das razóns de que o Concello nos convenios reducise eses empregos a media xornada é, precisamente, unha mellor distribución en época de necesidade.

-¿Lembra a Albino Ferreirós?
-¿Como non o vou lembrar se foi alcalde antes ca min? Supoño que ides polo dos dous peches que se fixeron, un con nós en minoría e outro a partir de 1995. Nun deles botou un cordel pola fiestra para que lle pasasen os bocadillos… Miren, a lectura que fixo de todo iso o pobo quedou ben clara cando lle tocou falar. Aqueles, podo dicilo, foron os peores momentos que eu lembro como alcalde. Ver a mesa do salón de plenos chea de empanadas, coma se fose isto unha romaría. O representante do PSOE, que tiña dous concelleiros, nas seguintes eleccións non quitou ningún.

-A oposición acúsalle de funcionar coma se o Concello de Valga fose seu.
-Foi un mandato de debate, de discusión, pero dun alto nivel no sentido do respecto, coas lóxicas discrepancias, quitando á voceira do PSOE. Ela, simplemente, dedicouse a facer política no canto de tentar colaborar e resolver as demandas dos veciños. Houbo oposición primeiro nas obras da recta de Vilagarcía, un proxecto que se contratou co bipartito na Xunta. O que liderou as mobilizacións vai hoxe de número 2 do PSOE. Tamén co plan xeral pola creación do novo parque empresarial. O BNG votou a favor e foi coherente co que dicía a súa xente na Xunta. Pero o PSOE opúxose. O que liderou a oposición vai no número 3 da súa lista. Eles foron coma aves de rapiña.

-Mais agora muda tamén o candidato do BNG e pode mudar o seu discurso. ¿Vai botar en falla a Rodríguez Touceda?
-Antonio é unha persoa dialogante, moi meticulosa na parte económica. Todo o miraba ao céntimo. E iso a min gústame.
-¿Que opina do seu sucesor?
-Xa foi concelleiro. ? unha persoa moito máis radical.

-A acusación de ser político é curiosa cando a fai unha persoa que leva 20 anos na alcaldía.
-De entrada non me considero político. Estou en política, pero intento non facela nese sentido, esa é a mentalidade do goberno que temos. Nós dedicámonos dende o primeiro momento a coordinar un grupo, que isto fose un equipo e xestionar.

-Por certo, algunha vez ten criticado ao seu propio partido por descoidar Valga.
-No meu partido non se valora o traballo que se fai en Valga. Sígoo mantendo. O noso esforzo non está valorado. Os políticos chegan aos cargos e esquecen que os concellos somos os que facemos o día a día, os que vemos as familias en paro. Terían que pasar pola xestión municipal.

LA VOZ DE GALICIA, 27/04/11

Por Luis Angel Sabariz Rolán, fai

Bello Maneiro: «Gústame repartir caña… a que se produce aquí».

-¿Que pensa de Zapatero?
-Fomos enganados polo Goberno central, e o feito de que declarase que non se volve presentar dá algo de tranquilidade.

-¿E de Rajoy?
-Polo menos no tempo que foi responsable político no Goberno, a relación que puiden ter con el foi sensata e seria.

-Chacón ou Rubalcaba, ¿con quen quedaría vostede?
-Posiblemente creo que Chacón seria máis seria.

-¿Que opina da candidata do PSOE en Valga?
-Insegura, sen coñecemento das demandas do pobo.

-¿E do número 1 do BNG?
-? da miña parroquia. Totalmente distinto ao actual. Xa o dixen, máis radical.

-Defina a Louzán.
-Persoa moi traballadora na Deputación. Como presidente do partido, como non asisto a ningunha reunión política, non opino. Ás veces discrepo porque a Valga non lle dá o que merece.

-E a Modesto Pose.
-Nunca tiven relación con el.

-¿Sóalle Justin Bieber?
-De nada. A min o que me vai é a música clásica e a de bandas.

-Unha canción que lle guste.
-Carolina, a saia e o lagarto.

-Celta ou Deportivo.
-O Celta clarisimamente.

-Barça ou Madrid.
-Madrid.

-¿Gústalle repartir caña?
-A que se produce en Valga si; é a mellor que hai.

-¿Cal foi o seu primeiro coche?
-Un Seat 850, creo que me custara 100.000 pesetas. Primeiro foi unha moto, unha Derbi de marchas pero sen matrícula.

-¿Cantos televisores ten?
-Tres. O da sala, onde comemos, é o que máis se ve.

LA VOZ DE GALICIA, 27/04/11

Por Luis Angel Sabariz Rolán, fai

Bello Maneiro:«A familia é moi importante».

«Non teño a sorte de estar acompañado xa polos meus pais, pero a familia para min é moi importante e procuro dedicarlle as fins de semana. Tanto aos meus catro netos que me acompañan na imaxe (Lorena, Martín, Lucía e Candela) como á milla muller, aos fillos, a filla que segue solteira, as noras e a sogra».

LA VOZ DE GALICIA, 27/04/11

Por Luis Angel Sabariz Rolán, fai

«Non sei por que o alcalde lle ten medo á palabra política».

Carmen Coto candidata do PSOE en Valga.

A aspirante socialista asegura que Bello só pensa xa en «manter o seu trono»

Carmen Coto non se anda con chiquitas á hora de valorar o prolongado labor de Bello.
-Valga é, de partida, unha praza moi complicada para o PSOE.
-Ben, nós temos un equipo moi renovado, especialmente nos primeiros postos. con xente que encabezou plataformas veciñais, no problema da estrada, no problema do polígono, para defender os intereses dos veciños porque o alcalde non o fixo. No caso da estrada de Campaña levaba tres meses co proxecto no caixón e mentíalles aos veciños, dicíalles que non sabía nada, que non tiña o proxecto. Nós negociamos coa delegada, entón Isabel Domínguez, e conseguimos reducir as afeccións, e sobre todo un prezo xusto por metro cadrado. Iso é o que os socialistas fixemos e faremos, defender aos veciños de Valga.
-O alcalde acúsalles a vostedes de facer política.
-Ten graza, ¿e el que é o que fai? Non sei por que lle ten tanto medo á palabra política, pero si sei que Maneiro leva demasiado tempo no poder, perdeu a perspectiva das necesidades de Valga e só pensa nos seus intereses e en manter o seu trono. Non hai máis que ver o xeito no que emprega a radio municipal, ao máis puro estilo de Venezuela. Ten un afán excesivo por controlalo todo, anulando ao resto do persoal do Concello, empezando polos seus propios concelleiros, que sempre son convidados de pedra.
-¿Que sucede coa radio?
-El fala na radio e todo isto semella unha panacea. Maneiro faino todo ben, e a oposición penosamente mal. Pero sucede que nós e o BNG pedimos só media hora para a oposición e se nos nega completamente porque di que queremos facer política. ? unha tomadura de pelo. Se houbese unha democracia real neste concello, a Maneiro non lle debería importar.
-Pero as contas, asegura Bello, indican un Concello saneado.
-El é moito de construír obras no aire, algúns veciños falan de movemento de ladrillo. Esa é unha frase moi significativa. No 2010 aprobou un préstamo de 300.000 euros co informe en contra da interventora. Meses despois pediu outros 400.000 euros, solicitamos tamén o informe da interventora, e ese, sinxelamente, xa non o fixo. ¿Como é posible que diga que é un Concello saneado cando só os préstamos da Deputación andan no millón de euros?
-¿Que pasa co polígono? ¿Non o ven necesario?
-Nós estamos totalmente a favor de que haxa un polígono e de que se ordene a industria dunha vez. Pero as grandes empresas non se van mover, e para as novas temos que buscar un sitio menos prexudicial tanto a nivel económico como paisaxístico, porque no espazo escollido hai xente á que mesmo lle levan a horta por diante, o val de Magariños vai quedar esnaquizado, e os veciños van sufrir nas súas vidas e nas súas propiedades. En Valga hai zona de monte, apartada, que se podería negociar. Iso é o que hai que facer.

-O alcalde di que as obras do Concello crearon emprego.
-Son de dominio público algunhas cuestións pouco explicables. Obras que paga a Xunta, que licita Maneiro e fai sempre a mesma empresa, mesmo fronte a prestixiosas construtoras.

Carmen Coto Lois
10 de setembro de 1962, en Cimadevila
Licenciada en Dereito e Graduado Social. Funcionaria do corpo técnico de Xestión da Administración de Xustiza.
Separada, ten un fillo de 15 anos
Voceira municipal do PSOE. Lidera a candidatura dos socialistas en Valga por segunda vez consecutiva.

LA VOZ DE GALICIA, 27/04/11

Por Luis Angel Sabariz Rolán, fai

«Valga é un réxime caciquil no que todo se dá e se fai á dedo».

Xosé M. Martínez candidato BNG en Valga.

Peque sostén que o Concello funciona coma un feudo estancado hai dez anos.

Xosé Manuel Martínez, Peque, substitúe a Antonio Rodríguez Touceda na cabeza da candidatura do BNG. Non é alleo ao labor municipal, xa que exerceu como concelleiro no anterior mandato en Valga.
-¿A que obedece esta mudanza na cabeza de lista?
-Houbo algunhas diferenzas que foron resoltas dentro da organización. Os compañeiros decidiron que fose eu.
-¿Vai mudar tamén a liña do BNG en Valga?
-As perspectivas, evidentemente, cambian porque Antonio e máis eu somos diferentes de carácter. Pero as ideas básicas non mudan, son moi semellantes. Cremos que Valga se estanca, non hai unha política seria e levamos cando menos dez anos así. Quitando o absoluto control, porque Valga é un réxime caciquil no que todo se dá e se fai a dedo, non hai nada, non hai políticas de emprego, non hai iniciativas culturais, só parches. Mesmo as subvencións pídense sen facer falla, para gastar por gastar. Non é lóxico, por exemplo, que para facer unhas vaquillas para a mocidade se gaste unha morea de pasta. Fálase incluso dun funicular ata O Barreiro. Deben de pensar que van vir os alemáns para ver os galeguiños sachando.
-¿Que é o primeiro que vostede faría se acadase a alcaldía?
-Tentar que o Concello fose realmente de todos. Facerlle ver á xente que o tipo que estivese na alcaldía traballa de alcalde, que non é o señor alcalde, que non hai que lle render pleitesía, que o alcalde ten que traballar pola xente porque Valga funciona como unha monarquía absoluta na que os veciños van falar con Maneiro como ían na Idade Media falar co señor feudal.

-O BNG votou a favor do polígono. ¿Vai manter ese voto?
-Cando se deu aquela polémica produciuse un malentendido. Nós, en asemblea, tiñamos unha decisión tomada. Pero o voceiro, chegada a hora do pleno, votou noutro sentido. Evidentemente hai que mudar as cousas nese proxecto. Pero non é só o polígono, estamos a falar dun plan xeral que, por exemplo, esixe á xente do rural un mínimo de 1.000 metros para construír, cando coa lei de vivenda anterior só eran 500 ou 600. ¿Quen pode ter esa superficie neste paraíso minifundista?

-¿Foi esa a razón do cambio na candidatura do BNG.
-Non. Todos quedamos abraiados cando Antonio votou que si, pero non foi máis aló. As cousas decídense democraticamente e non hai problema. As relacións son perfectas, en serio. El vén ás reunións e segue traballando.

-¿Que pasa coa radio que tantos problemas está a dar?
-Está demasiado condicionada por Maneiro, en plan Aló Presidente de Hugo Chávez. As preguntas, controladas, se hai algún problema sempre é culpa dos técnicos. Nós, a oposición, propuxemos uns debates. E de non ser así, unha entrevista a cada candidato. Que os membros da oposición, sexan quen sexan, teñan a posibilidade de expresar as súas opinións media hora, unha vez ao mes.

-¿E?.
-E nada. Seica facemos política. El inaugura o seu negocio e ven a secretaria de Comercio. Iso, claro, non é política.

Xosé Manuel Martínez, «Peque»
7 de outubro de 1971, en Cordeiro
Mestre particular
Concelleiro do BNG entre o 2003 e o 2007. ? a primeira vez que se presenta como cabeza de lista.

LA VOZ DE GALICIA, 27/04/11

Por Luis Angel Sabariz Rolán, fai

Sin salida en Padrón tras once jornadas entre basura.

UGT dice que la firma usa a la plantilla como cobradores del frac//No hubo acercamiento

Será el juez el que diga qué servicios mínimos deberán aplicarse en la basura

Al filo de la una de la tarde acudían a los juzgados de Compostela representantes de la empresa concesionaria del servicio de recogida de los residuos sólidos urbanos en Padrón, Global Vambrú, con su letrado, así como el abogado de UGT-Galicia con miembros del comité de huelga y del sindicalista David Barrio, y el letrado del Concello.

Según Barrio, la comparecencia de las partes ante el titular del juzgado nº2 de lo Contencioso-administrativo de Santiago, duró casi una hora. A la entrada, la empresa fue “correcta” en el saludo con los trabajadores, pero “no hubo acercamiento para solucionar el conflicto”, dice Barrio, quien acusa a la firma de utilizar a la plantilla “como cobradores del frac”.

“La empresa reconoce el acuerdo de mejoras salariales firmado en octubre, pero dice que no tiene dinero para hacerle frente, mientras no pague el Concello”, señala el sindicalista, apuntando que “Global tiene beneficios suficientes para afrontar las subidas pactadas y medios para reclamarle al Concello lo que le debe por revisión de precios. El Concello, también tiene sus armas. Si no las usan es porque no les da la gana”. Para Barrio, la huelga se resolvería fácilmente: “Que apliquen el acuerdo”. La situación, que parece sencilla, no tiene visos de solución a corto plazo y está en punto muerto.

El letrado del Concello defendió el decreto de mínimos, incidiendo en que, al coincidir con las fiestas de Pascua, los servicios aplicados por los huelguistas eran insuficientes, mientras que UGT se ratificó en lo expuesto en el recurso. El juez emitirá en los próximos días su fallo.

Argumentos de Cipa. Desde el grupo municipal Cipa, socio de gobierno, se hacía pública una nota explicando los antecedentes de la huelga y argumentando qué postura adoptó el gobierno. Así, se recuerda que en mayo de 2007 el ejecutivo en funciones del PP le adjudicó la concesión a Isolux Corsan (hoy Global) por 208.661 ? más IVA. En agosto de 2007, los trabajadores protagonizan la primer paro obteniendo mejoras salariales.

En agosto de 2010 vence el convenio y vuelven a negociar sin acuerdo, llegando a un nuevo paro en octubre que concluye con un acuerdo suscrito entre “plantilla, firma e grupos da oposición”, indica Cipa.

Para el socio de gobierno “as razóns da folga son un conflicto salarial entre traballadores e empresa e unha cuestión política na que participaron os grupos da oposición, sendo o PP único responsable da situación”.

Incremento del recibo en un 41,15% en dos años

???Cipa también recalca que encargó un estudio a la USC para hacer un análisis de la situación. Las conclusiones del mismo indican que, si el Concello no suscribía el acuerdo, el coste pasaría de 208.664,61 a 331.864 ? en 2010 y, si aceptaba, pasaría a 341.415 ? al año para 2011 (la recaudación municipal es inferior a 240.000 ?). Esto llevaría, según Cipa, a incrementar el recibo en un 41,15% en dos años. Recueda que en la plantilla prestan servicio 5 trabajadores a tiempo completo y 10 a tiempo parcial. “Dos 5 fixos, 3 son conductores e 2 peóns. Os primeiros perciben líquido ao mes 1.367,47 ?; con incremento pasaría a 1.245,42”. Los de tiempo parcial perciben entre 254 y 297 ? líquidos al mes “por unha xornada de domingo que computan entre 29 e 32 horas ó mes”. Cipa dice que el gobierno le propuso a la empresa suprimir la fórmula polinómica y que la negociación salarial no tenga que influir en el precio del coste del servicio.

EL CORREO GALLEGO, 27/04/11

Por Luis Angel Sabariz Rolán, fai