Dende que se acondicionou, hai uns anos, o parque infantil «Vicente Moure» (está perto da Casa do Concello) e ata que este concelleiro foi cesado en febreiro pasado como titular de infraestruturas sempre se pechou a instalación polas noites para que o parque permanecera nas mellores condicións posibles, evitando a concentración de persoas alí nesas horas con riscos de gamberrismo, «botellóns», etc. O parque quedaba pechado tódalas noites e abríase tódalas mañàs.
Agora isto deixouse de facer, e nas noites dos fines de semana, incluso tamén en días laborables, o parque queda aberto con riscos para os xogos e o mobiliario urbano antes apuntados e dando unha imaxe de desidia á cidadanía que tantas veces denunciou esta agrupación.
Solicítase así ó alcalde, que o parque infantil sexa pechado tódalas noites como se fixo sempre.
Por outra banda, prégase tamén ó alcalde que se reparen con urxencia algúns elementos dos xogos para os nenos do «Parque do Muíño» en Infesta e do parque do peirao que están visiblemente danados. Precisamente neste último rematou a colocación do valado de cerre (moi necesario por outra parte) e agora é necesario arranxar algún xogo deteriorado.
Luis Angel Sabariz Rolán
Concelleiro da ACP de Pontecesures
