Aos 86 anos de idade morreu o veciño de Carreiras, José Eitor Grela que estaba casado con Manuela Garrido Iglesias. Os restos mortais recibiron sepultura hoxe, 30 de decembro, no Cemiterio Municipal de Condide.
Descanse en paz.
Sin Categoria
CORTE NO SUBMINISTRO DA REDE DE ABASTECEMENTO DE AUGA PARA O LUNS 14 DE NOVEMBRO.
Na xornada do luns 14 de novembro procederáse a un corte no subministro de auga potable, para levar a cabo actuacións de mellora na rede de abastecemento. As zonas afectadas polo corte serán as seguintes:
- Rúas: A Toxa, Carreiras e O Couto.
O tempo aproximado do corte no subministro de auga será dende as 9.00 ás 14.00 horas. Recomendase aos veciños destas zonas que fagan acopio de auga para dispoñer da mesma no devandito horario.
Sin Categoria
XVII CARREIRA POPULAR DE PONTECESURES.
Xoves 8 de decembro de 2016
Praza do Coche de Pedra (Pontecesures)
A partir das 11:30 horas
O Concello de Pontecesures organiza a XVII edición da súa carreira popular o xoves 8 de decembro a partir das 11:30.
Poderán participar atletas federados e non federados; haberá unha soa clasificación conxunta. O control técnico das carreiras estará a cargo do Comité Galego de Xuices (Federación Galega de Atletismo).
A SAIDA DE TODAS AS PROBAS REALIZARASE DESDE A PRAZA DO COCHE DE PEDRA (PONTECESURES)
INSCRICIONS: ata o luns 5 de decembro ás 22 horas. Non se admitirán inscricións fóra do prazo establecido nin se admitirán inscricións o día da proba.
DORSAIS: A entrega de dorsais terá como tempo límite 30 minutos antes de cada proba e realizarase no Centro Social de Pontecesures [no día da proba de 9.00 a 11.15 horas], a carón da saída das probas. Os dorsais colocaranse nun lugar visible na parte anterior do corpo, preferentemente na zona do peito, respectándose a publicidade existente neles. Na proba absoluta os atletas correrán cun chip que irá situado na parte traseira do dorsal.
SERVIZOS: Haberá servizo de duchas no Pavillón Polideportivo Municipal de Pontecesures.
PREMIOS E AGASALLOS
- Camiseta para os 200 PRIMEIROS atletas chegados a meta na proba absoluta. Repartiranse tamén camisetas de regalo para os atletas das categorías escolares.
- Trofeos ós 3 primeiros/as clasificados/as da xeral (4 km aprox.) (premios NON acumulativos).
- Medallas ós/ás 3 primeiros/as de cada categoría establecida no regulamento da proba, agás na categoría pitufo onde non haberá clasificación (entregarase medalla a todos os participantes).
- Trofeo o/a participante máis veterano/a que logre concluir a proba.
Sin Categoria
TRÁFICO DE VEHÍCULOS RESTRINXIDO, NOS VINDEIROS DÍAS, DEBIDO AS OBRAS DE «REURBANIZACI?N DOS N?CLEOS DA TOXA E CARREIRAS».
Como consecuencia das obras de ??Reurbanización dos núcleos de Toxa e Carreiras?, comunícase que para levar a cabo as mesmas coa maior prontitude, é imprescindible proceder a cortar o paso de vehículos (excepto residentes) nas zonas que se indican no plano adxunto (A Toxa e Carreiras).
Este corte de tráfico comezará en breve e durará os días necesarios para poder rematar as obras, que intentaremos que sexan os menos posibles. A empresa adxudicataria tamén irá poñéndose en contacto cos titulares das vivendas para minimizar as incomodidades que vaian xurdindo.
Dende o goberno municipal lamentamos as molestias que se poidan ocasionar pola realización destas obras, cuxa finalidade é mellorar o servizo de saneamento e o pavimento dos viais existentes nos referidos núcleos de poboación, e como consecuencia beneficiar aos veciños e veciñas da zona.
Reiteranse as desculpas e agradecese a colaboración da veciñanza.
Plano da zona afectada polas restricións de circulación de vehículos.
Sin Categoria
Homenaxe a Camila Morison en Carreiras no día de hoxe.
O homenaxe á piragüista que reside en Carreiras e que ven de acadar o subcampionato mundial Sub-23 en K/4, será ás 21:00 de hoxe venres no parque do lugar. Os seus veciños recibirana alí e haberá festa con degustación dunha merenda para todos.
A comisión organizadora convida a todos para asistir ao acto e arroupar á deportista.