Ás 21 horas, do día 29 de xullo houbo no lugar no lugar de Carreiras a actuación de ??Titeres Cascanueces? cunha representación con monicreques da obra ??O ferreiro e o diaño?. Foi unha actividade subvencionadas ao 60% pola Consellería de Cultura e Turismo, dentro do programa ??Galescena? e xestionada polo goberno local anterior xunto con outros dous actos culturais neste verán de 2011.
Pois ben; resulta lamentable a escasa difusión do acto que realizou o goberno local actual de Pontecesures. Nin unha nota de prensa, nin un anuncio noutros medios, nin un cartel nos establecementos (en especial é grave que non se levaran ao lugar de Carreiras), nin un cartel na Casa do Concello…..Tan só se colocou un cartel xenérico das tres actuacións hai tempo nalgúns taboleiros municipais, pero non un anuncio específico do acto de onte.
Deste xeito a maioría da poboación nin se enterou desta representación. Incluso os veciños máis próximos á zona onde se desenvolveu o evento reaccionaron con sorpresa cando onte, pasada a media tarde, comezaba o grupo artístico a preparar na rúa os elementos da actuación.
Dende logo é unha mágoa, que pasen estas cousas cando se fai un esforzo económico co fin de que teñamos actos culturais. ? preocupante a actitude do goberno local nestes temas. Xa a difusión da Festa do Churro do día 4 de xullo foi practicamente nula nesta edición, xa o cartel das Festas do Carmen 2011 celebradas os 1, 2, 3 e 4 de xulio no foi colocado nas rúas ata o 28 de xuño, para que ocorra esta circunstancia na representación de monicreques de Carreiras. Con tres membros do goberno local cobrando con dedicación exclusiva non se entende esta desidia.
