Cartel da Feira de 1925 de Carlos Maside
No ano 1925, un grupo de amigos (veciños de Pontecesures) comezaron a pensar na idea de levar a cabo unha feira do automóbil. Esta idea xurdíu ao darse conta que nas feiras de cabalos que daquela se celebraban pola zona, no medio dos cabalos expoñíase algún vehículo para a súa venta, polo tanto, si había feiras de cabalos que eran o medio de transporte da época, ¿por qué non podía haber feiras de automóbiles? que xa se empezaban a ver polas nosas rúas.
Con este pensamento os señores Eugenio Escuredo e Salvador Sierra viaxaron á cidade alemana de Leipzig, onde se celebraba unha feira destos cacharros chamados automóbiles. Cando voltaron de Alemania contaron ao resto do grupo todo o alí visto e puxéronse a traballar. O día 27 de xuño de 1925 inaugurábase a a Feira do Automóbil de Ocasión, na que está presente o primeiro automóbil que circulou por Galicia.
Durante 3 días a Feira foi é visitada por máis de 10.000 persoas. Expóñense un total de 598 vehículos e o valor de todo o material exposto supera os 5 millóns da época.
O éxito é total e ten unha gran repercusión nos medios de comunicación da época. Esta feira está recoñecida como a primeira celebrada en España destas características, nela colaboraron artistas do talle de Carlos Maside, Castelao, Oria Moreno, Granell, etc.
Na actualidade moitas rúas de Pontecesures levan os nomes daqueles que fixeron posible as feiras do automóbil de ocasión. Esta é a nosa homenaxe a todos eles, amantes dos vehículos e do seu pobo, como foron: Eugenio Escuredo, Salvador Sierra, Víctor García, Ramón Piñeiro, José Novo, Jesús Cabeza, José Sierra, Baldomero Carlés, Luís Diéguez, Luciano García, Carlos Morales, e Feliciano Touceda. Estes dastos foron recollidos do libro “Historia das Feiras de Aoutomóbil de Ocasión” do autor José Piñeiro Ares, editado en 1989
Posteriormente celebraronse 3 edicións máis desta Feira nos anos 1926, 1950 e 1954.
No ano 1985 en conmemoración destas Feiras do Automóbil de Ocasión púxose na rúa San Lois de Pontecesures o Monumento “O Coche de Pedra”, unha réplica daquel primeiro coche que circulou por Galicia.
No ano 2007 celebrouse o 15 de abril a I edición da FEIRA DO AUTOM?BIL ANTIGO (exposición e venda), e para este ano 2008 está prevista a segunda edición o vindeiro 6 de abril. Na organización destas dúas feiras colabora co Concello de Pontecesures a Asociación MIRANDOLLE OS DENTES.
