Será no Auditorio de Cordeiro o sábado 28 de setembro, ás 21 horas. A actuación forma parte do ciclo Música coas nosas bandas. A entrada será libre.
Sin Categoria
Xarandeira actuará o 26 de agosto nas Festas dos Aflixidos de Lestrobe.
O grupo folclórico cesureño amenizará este día o pasarrúas e ás 19 horas ofrecerá un concerto de gaitas e bailes populares.
Sin Categoria
Convidan á corporacion municipal aos actos oficiais das Festas de Porto.
A Asociación Cultural San Roque de Porto convidou aos integrantes da corporación de Pontecesures para asistir á Procesión de San Roque que sairá o venres 23 de agosto, ás 12 horas, da Praza dos Valeiros e á Misa Solemne que terá lugar na Igrexa de Pontecesures ao remate da procesión. Tamén convidase á corporación a degustar un viño galego ao regreso á Praza dos Valeiros onde haberá o concerto da banda de música.
Sin Categoria
Herbón estrea «As notas do pemento», un festival clásico nos venres de xullo.
Unha combinación inusual cruzará Herbón todos os venres deste mes de xullo. A música clásica e os pementos. O festival As notas do pemento comeza hoxe no Convento de Herbón e continuará celebrándose todos os venres deste mes.
Ensemble Gioia será o primeiro dos grupos en participar neste festival no que participarán as mellores promesas da música clásica galega, tanto de lírica, barroca, cuartetos de vento ou dúos de piano e gaita.
A horta, o claustro e a fontes serán os espazos para as actuacións que comezarán todos os venres ás 20.30. O día 28, domingo, haberá concerto extra ás 12.00. O festival nace coa intención de promocionar a un tempo a historia e produción dos pementos e a súa relación cos franciscano e tamén promover o coñecemento da música clásica en Galicia.
LA VOZ DE GALICIA, 05/06/13
Sin Categoria
Festas do Carme 2013 en Pontecesures.
VENRES, 5 DE XULLO
-Pola mañá gran disparo de foguetes.
-Ás 20:00 horas no “Ramón Diéguez” partido de fútbol Flavia S.D-Cordeiro, equipos de 1ª rexional.
-De 22:00 a 2:00 horas. Dj na Plazuela.
-De 00:00 a 4:00 horas. Dj xunto a Correos e no no peirao.
SÁBADO, 6 DE XULLO.
-Pola mañá disparo de foguetes.
-Ruada a cargo dos grupos Xarandeira e Airiños do Meda.
-De 11:00 a 13:00 horas, xornadas de baloncesto no pavillón para nenos/as de 8 a 11 anos (organiza o CB. Extrugasa Río Ulla).
-Ás 12:30 horas na Plazuela, actuación de Xarandeira e de Airiños do Meda.
-Ás 21:00 horas 1ª Carreira de burros. Trofeo A.C. Festa Rachada. Saída da Plazuela.
-Ás 22:00 horas, no peirao verbena cos grupos Troco e Nubes.
DOMINGO, 7 DE XULLO
-Pola mañá disparo de foguetes
-Ruada a cargo da Banda de Música Municipal de Valga e concerto ás 13:00 da citada banda na Plazuela.
-Ás 18:30 horas, tradicional Desfile Valeiro
-Ás 19:00 horas, misa cantada pola Coral Polifónica A Barcarola, e deseguido procesión da Virxe do Carme polas rúas do pobo con ofrenda floral no peirao. Ao remate da procesión concerto pola Banda de Música Municipal de Valga.
-As 22:00 horas no peirao,Orquestra Capitol.
-Ás 00:00 horas, Hugo y Yhadira en concerto, concursantes do programa La Voz de Tele 5.
-Remata a festa a Orquestra Capitol.
LUNES, 8 DE XULLO.
-Pola mañá, disparo de foguetes-
-Ruada a cargo do grupo folclórico Algueirada.
-Ás 12:30 horas, nmisa cantada pola Coral Polifónica de Pontecesures na honra do Santo Antón.
-De seguido na Plazuela, actuación do grupo Algueirada.
-Ás 18:00 horas na Plazuela, xogos populares para nenos e maiores, carreiras de sacos, baile da pataca, tiro á chave, etc…
-Ás 22:00 horas no peirao, Festa Rachada co grupo Assia e a orquestra Olympus.
Organiza: A.C. Festa Rachada
Colaboran. Concello de Pontecesures, Concello de Valga, Deputación de Pontevedra, casas comerciais e veciños.
Sin Categoria
Xabier Ron, de AGE, pide suspender o concerto da cantante israelí Noa.
Di que é unha intérprete que “apoia e xustifica a colonización de Palestina e a violencia racial que o Estado israelí aplica sobre a poboación árabe”
Alternativa Galega de Esquerda (AGE) considera que “non é de recibo” gastar diñeiro público nunha intérprete que “apoia e xustifica a colonización de Palestina e a violencia racial que o Estado israelí aplica sobre a poboación árabe”, polo que pide suspender o concerto de Noa e reclama á Xunta que faga “prevalecer a ética” á hora de contratar artistas.
Nun comunicado, AGE resalta que as simpatías co sionismo militar de Noa “son notorias” e recorda que en 2009 chegou a denominar “traballo á matanza, efectuada polo Estado de Israel a través do seu exército, de 1.400 palestinos na Franxa de Gaza”.
“Non imos considerar a arte musical da solista”, di o deputado Xabier Ron, quen advirte, a liña seguida, que “non todo vale neste mundo e a ética debe prevalecer tamén na contratación de artistas pro parte da Administración pública”.
Alternativa recorda que o pobo de Palestina “vive hoxe prisioneiro no seu propio territorio, rodeado dun enorme muro que segrega as xentes”. Así, tamén esixe á Xunta que “rompa relacións con Israel e cancele o concerto do 21 de maio”, que recentemente anunciou a Consellería de Educación e Cultura.
“¿ Como podemos contratar unha persoa que apoia unha colonización denunciada por organismos internacionais ou un bloque a Gaza que impide a chegada ao lugar de alimentos e medicinas?”, pregúntase o parlamentario de AGE, grupo que tamén preguntará á Consellería de Cultura polo custo do concerto e se apoia os actos de “ocupación” do territorio de Palestina e a “constante vulneración dos dereitos humanos por parte de Israel”.
EL CORREO GALLEGO, 12/05/13