Na instantánea vemos ao novo presidente da Asociación de Veciños de San Xulián, Manolo Meniño, bailando cunha moza do grupo Algueirada ao remate da actuación de dito grupo cesureño.
Con bo tempo e bastante público, celebráronse os actos da festividade. Houbo pasarrúas, Misa Solemne cantada polo coro Pontecesures, procesión polo lugar e actuación do grupo folclórico Algueirada.
O novo presidente, visiblemente satisfeito, manifestou que para o ano que ven estaban a estudar a celebración de máis actos festivos para que o 12 de outubro sexa un día completo de festa.
O alcalde popular Juan Manuel Vidal Seage, con catro concelleiros na
Corporación de Pontecesures tras gañar as eleccións municipais do
pasado 26 de maio, reeditou un tripartito que lidera xunto cas
formacións Terra Galega, con Ángel Souto como representante único, e
Independentes de Pontecesures (IP), figurando Isabel Castro como edil. É
dicir: trátase das mesmas forzas políticas que encabezaron a moción de
censura que desbancou ao BNG hai tres anos. Agora, a tenente de alcalde e
concelleira de Educación, Laura Villar (PP), despexa horizontes.
Que salientaría desta nova etapa no equipo de goberno?
Dende que me presentei por primeira vez nunha lista electoral, hai xa
nove anos, moito ten mudado a niña situación. De participar dende a
segunda liña política por aquel entón ata que o actual alcalde me
propuxo para ser tenente de alcalde ten sido un camiño ilusionante e de
continua aprendizaxe. De calquera xeito, cada día sigo a aprender
importantes leccións dende as miñas responsabilidades no actual
executivo municipal.
Turismo, Educación, Igualdade, Deportes… Moitas áreas de goberno cunha gran responsabilidade, non?
Efectivamente, son responsabilidades de goberno onde necesariamente o corpo a corpo
se converte en primordial e se teñen vivencias e contacto continuo
cunha porcentaxe moi importante da poboación de Pontecesures. Por unha
banda, un tecido deportivo moi amplo, con necesidades diversas e
apremiantes, un colectivo estudiantil numeroso e concentrado nunhas
instalacións con melloras necesarias e, por outra, moitas veces a
faciana máis amarga, tamén se coñecen os dramas que a cotío se agochan
no día a día.
Destaque algunhas actuacións previstas dentro das competencias que vostede ten no executivo.
Neste inicio de lexislatura estanse a levar a cabo notables melloras
en eidos tan importantes como as instalacións deportivas e educativas
(vestiarios do campo de futbol, inicio do proceso de licitación do
proxecto de ampliación do Clube Náutico, reforma integral no CPI
Pontecesures, melloras na gardería municipal…) as cales serán, sen
dúbida, xunto co remate doutras que xa están en marcha, motivo de
satisfacción para os veciños e os usuarios das citadas instalacións.
Que valores considera que priman nos mozos?
A educación é un dos piares fundamentais da sociedade e é por isto
que no noso concello, que conta cunha elevada porcentaxe de poboación
infantil e xuvenil, queremos incidir en complementar a ensinanza de
calidade que reciben os cativos con formación en valores tan básicos
como importantes, como o son, por exemplo, a igualdade ou o respecto.
Estamos a programar una serie de xornadas de concienciación para abordar
esta temática, así como a do ciberacoso e a seguridade en materia
virtual (debido á crecente relevancia e ao grande interese que estes
ámbitos suscitan neste sector poboacional).
Considera o turismo como un motor necesario para o desenvolvemento da bisbarra do Ullán no que se encontra a localidade?
Os vindeiros anos marcarán a diferenza entre aqueles concellos que
sexan capaces de adaptarse ós novos requerimentos que o turismo demanda e
os que non consigan facelo. A situación estratéxica de Pontecesures non
pode pasar inadvertida, e non o fará. Certo é que estamos intentando
superar certos atrancos burocráticos que están retrasando algún proxecto
no que levamos traballando un tempo, por exemplo os pantaláns de pasaxe
para a nova fachada fluvial, pero máis pronto que tarde coidamos que se
farán realidade. Agardamos tamén poder acometer melloras na
sinalización do Camiño Portugués ó seu paso polo pobo e editar material
promocional que nos permita acudir a feiras e eventos de difusión dos
valores turísticos e gastronómicos cun mínimo de recursos.
Por último, ten algún detalle que poida anticipar do evento local, a Festa da Lamprea?
O vindeiro ano celébrase o 25 aniversario da Festa da Lamprea, e estamos deseñando unha serie de actividades promocionais e formativas que potencien e den visibilidade a esta festividade tan arraigada xa nos calendarios gastronómicos e tan importante para a economía e promoción locais.
Finalmente, e ante o empeoramento do tempo metereoloxico previsto para esta tarde, vémonos na obriga de anunciar que hoxe queda cancelada a Festa da Bicicleta prevista no concello de Pontecesures. Intentaremolo outro sabado proximamente, a expensas de que faga bo tempo.
A clientela poderá votar a receita que máis lle guste durante os días 24 e 25 de agosto.
A sexta edición da ruta-concurso «Tapa á Anguía» de Valga contará coa
participación de dez establecementos de hostalería do municipio. Os
bares e restaurantes inscritos e as tapas que ofrecerán son: café-bar
Couceiro con «Anguía á brasa con salsa verde»; bar Juan coa tradicional
«Empanada de anguía», café-ba Potel con «Anguía ao estilo Potel»,
cafetería Auditorio con «Ópera anguía», pastelería Caprichos con «Anguía
na tella», bar Maneiro e a súa «Anguía ao estilo Maneiro», bar Alba cun
«Rolo de anguía», café-bar Pontellón coa «Anguía ao estilo Pontellón»,
bar Pardal con «Tapa Pardal» e Corona de Galicia e a súa «Anguía La
Fabulosa».
Os establecementos servirán as tapas aos seus
clientes de xeito gratuíto coas consumicións os días 24 e 25 de agosto
durante os que se desenvolverá o concurso, e tamén o 31 de agosto, a
modo de degustación con motivo da xornada grande da XXIX Festa da Anguía
e Mostra da Caña do País. Será o Concello o que lles facilite a anguía
xa limpa para que os cociñeiros poidan preparar as receitas.
Entre
as persoas que acudan a degustar as tapas e participen na elección da
mellor sortearanse dez vales de compra de 30 euros para gastar no
comercio local.
A votación popular terá un peso do 50 % na elección da tapa gañadora, mentras que o outro 50 % recaerá sobre un xurado designado pola concellería de Cultura. O bar que elabore a mellor receita recibirá o Mandil de Ouro e o segundo e terceiro clasificados, os mandís de prata e bronce.
