Con data 23/03/13 paralizouse por parte da alcaldía de Pontecesures unha obra na rúa do Coengo nº 22 e 24 de San Xulián, e con data 19/04/13 decretouse de novo a suspensión porque as obras continuaban sen atender á primeira paralización. As obras realizadas sen axustarse á licenza foron as de “reparación/rehabilitación dun conxunto de edificacións anexas en estado ruinoso, con reparación de muros en mampostería, así como a execución de cuberta de fibrocemento e tella cerámica” A licenza concedida era unicamente para reparación dos muros existentes co fin de garantir a seguridade, e se excluía expresamente a realización de obras de adición de novos elementos aos muros existentes así como obras que xerasen volume edificado.
Ordenouse así por parte do alcalde á Policía Local o precintado das obras, que tivo lugar o día 24/04/14 ás 10 horas, engadíndose no decreto que se o promotor infractor retiraba os precintos e continuaba coas obras lle sería imposta unha multa coercitiva de 600 euros, reiterable ata o cumprimento da orde de paralización, e se poñería en coñecemento do Ministerio Fiscal para depurar as responsabilidades penais correspondentes.
Na mañá do sábado, 27 de abril, xa non había precintos na obra.
