Na maña de onte recibiuse no concello a documentación de Portos de Galicia, coas tres propostas segundo o estudo da empresa IDOM Consultoría. Os concelleiros non adscritos mostrámonos sorprendidos e decepcionados pola solución ideada para a circulación do tráfico pesado no porto e de que ,practicamente, o estudo refírese só a iso.
En dúas das propostas, convértése a actual vial portuaria (rúa Eugenio Escudero) nun vial de circulación única, sacando o tráfico pesado por un vial que sustitúa a actual vía férrea cando quede en desuso pola entrada en servizo da alta velocidade. Isto é unha aberrración polo seguinte:
1-O Concello de Pontecesures sempre defendeu a permanencia da vía convencional actual para cercanías. Da mesma opinión son os concellos da comarca, a Xunta de Galicia que manifestou que non se ía retirar un metro máis de vía férrea, todas as forzas políticas e, por suposto, a Comisión de Defensa do Tren de Proximidade Vilagarcía-Santiago e outros colectivos. Resulta incrible que nos veña agora Portos de Galicia coa posición contraria.
2-Sería un absurdo que o tráfico pesado logo discurrise, con estas dúas alternativas, pola rúa dos Namorados de Porto, vial provincial para o que hai un interesante proxecto de humanización con amplias zonas de lecer.
Tampouco nos convence a terceira das alternativas, que sería a de sair os camións, e outros vehículos, polas rúas centrais, rúa Sagasta e Víctor García que foron recentemente remodeladas. Perderíase posiblemente unha marxe para aparcar e parece un disparate sacar os camións do peirao, e os demais vehículos, e levalos polo centro.
Isto da rehabilitación do peirao parece o conto que non remata nunca. Cando en 2007 o actual presidente de Portos manifestou que ía realizarse un proxecto ambicioso, se lle contestou que Pontecesures necesita, non unha obra sobredimensionada, senón unha actuación realista, rehabilitando o que temos. Pretendemos cousas simples como a substitución do actual muro de formigón, colocando se é posible, unha pasarela de madeira no noiro do río para gañar espazo de paseo, a construción dunhas zonas axardinadas, o acondicionamento da zona final do porto que está abandoada para adicar a usos determinados, etc…. Para nada citou niguén o tema do tráfico pesado que sempre discurriu polo vial actual de doble dirección. E un tráfico que non é moi intenso e nunca plantexou problemas. Coa elevación dos pasos de peóns para garantir a seguridade é suficiente.
En Pontecesures queremos cousas sinxelas e non proxectos a longo prazo e de difícil financiamento (e más nos tempos de crise e de poucos recursos que vivimos). Estamos cansos de estudos, propostas, representacións gráficas e charlas. Dende 2007 estamos con estas cuestións e non se concreta nada. Queremos proxectos definidos de obras e execución das mesmas coa maior celeridade posible.
Estes serán os plantexamentos que defenderemos dentro da corporación neste prazo de consulta que abre Portos de Galicia.
Luis Ángel Sabariz Rolán
Alfonso Diz Villar