Familiares e amigos lembraron ao mestre de xornalistas nun acto en Boiro.
Raimundo García Domínguez, Borobó, estaba estreitamente vinculado a Boiro e por iso na localidade quixo tributárselle unha sentida homenaxe. O venres, para conmemorar o centenario do seu nacemento, no municipio que o designou fillo adoptivo levouse a cabo un acto na súa honra. Organizado polas asociacións culturais Borobó e Barbantia lembrouse a traxectoria do mestre de xornalistas, dunha persoa que se converteu nunha figura fundamental da cultura galega.
Naceu en Pontecesures, pero o seu cariño polo municipio boirense fixo que se retirase na aldea de Trevonzos para «ver Rianxo», como sinala en Anacos de amor a Rianxo. Estes aspectos, así como outros relativos a súa traxectoria foron lembrados nun acto co que se lle quixo render tributo.
Estudo da súa obra. A profesora Ana Acuña foi a primeira en intervir. Emocionada, fixo memoria dos años nos que Borobó foi o seu mestre e no seu discurso non faltaron palabras de admiración, así como a lectura de fragmentos do seu teatro. «Precisamos un estudo da obra de Borobó», recalcou Acuña.
Tampouco quixo perderse esta cita o presidente da Real Academia Galega, Xesús Alonso Montero, que asistiu tamén en calidade de amigo. «Foi un privilexio para min coñecelo no año 1957 e compartir con el tantas cousas», dixo Montero. Os agradecementos ás asociacións e ao Concello por organizar o acto, as súas palabras na memoria das vivencias que compartiu con Borobó e os logros que alcanzou na súa traxectoria arrincaron os aplausos dos asistentes. Representando ao Concello estivo el alcalde, Juan José Dieste. No faltou tampouco o seu agradecemento ás asociacións, á familia e tamén aos anteriores alcaldes polos labores de divulgación da súa obra no municipio. «Borobó foi un exemplo de humildade e é unha honra para Boiro telo recoñecido como fillo adoptivo», comentou o alcalde. Na primeira fila estiveron sentados os familiares do homenaxeado, aos que a organización agasallou cun retrato do xornalista feito polo escultor Ché Tembra, que foi descuberto polo presidente de Barbantia, Xesús Laíño. Amigos e compañeiros do literario escoitaron e recordaron nun acto cargado de emotividade as vivencias que Borobó deixou no corazón e na memoria de moitos boirenses. Foi una excelente oportunidade para lembrar a un home que loitou pola liberdade, coas verbas e tamén coa súa militancia política, é que constitúe todo un referente cultural.
La Voz de Galicia
