Coma tódolos anos, a comisión de festas pon á venda unha CAMISETA OFICIAL da mexiloada das festas, que este ano será o xoves 18 de agosto. O seu prezo é de 8 ? de axuda ás festas. Poderedes mercalas no bar Choco, en Porto.
¡¡¡ Ollo que se acaban pronto !!!
Onte pola mañá o delegado territorial da Xunta visitou a Casa do Concello e tivo unha xuntanza con membros da corporación. En concreto asistiron o alcalde Álvarez Angueira, Cecilia Tarela e Arturo Ferro (BNG), Roque Araújo (PSOE), Angel Souto (TeGa), Maribel Castro (IP) Juan Manuel Vidal (PP) e Luis Sabariz (ACP).
Comezou intervindo Luis Sabariz, para lembrarlle ao delegado una serie de peticións relacionadas coas competencias da Xunta, que apoia toda a corporación, e que foron tramitadas ou reiteradas nos catro últimos anos de mandato. Foron as seguintes:
-Que o Consorcio Galego de Igualdade e Benestar asuma dunha vez por todas a escola infantil de Pontecesures para incorporala á rede (Galiña Azul), por razóns económicas, de mellora no servizo e para os
traballadores da instalación.
-Que sexa nomeado o 2º médico para o centro de saúde de Pontecesures, cumprindo as promesas que sempre quedaron en nada para evitar que uns mil cesureños teñan que ir ao médico ao Centro de Saúde de Baño-Valga.
-Que sexa tida en conta no futuro a necesidade que temos de asistencia pediátrica na nosa vila.
-Que se constrúan as beirarrúas nos primeiros 500 metros da recta de Campaña (termo de Pontecesures) na PO-548 por razóns de seguridade. E inconcibible que fora arranxado todo o tramo de Valga e non o de Pontecesures cando é moi utilizado polos peóns.
-Que remate a construción de beirarrúas na PO 214 dende o quilómetro 0 en dirección a A Estrada. Hai poucos meses foi arranxada parte das beirarrúas pero a actuación quedou incompleta por razóns económicas.
-Que Portos de Galicia envíe dunha vez o proxecto de remodelación do porto de Pontecesures para o seu estudo pola corporación e para que seña acometida a mellora da fachada marítima.
-Que Augas de Galicia acometa o sanamento integral de Pontecesures, dentro das actuacións que se están realizando para mellorar a calidade das augas das rías galegas.
-Que tamén Augas de Galicia proceda á cubrición do canle de subministro de auga na Cruxa aproveitando o espazo para un sendeiro peonil.
-Que podamos ter canto antes un comedor escolar para o CPI Pontecesures.
-Que a Xunta de Galicia siga a realizar todo tipo de xestión para que se manteña e potencie o tren de cercanías en Pontecesures. A entrada en servizo do TAV non pode eliminar un servizo con que conta toda a comarca dende hai más de 135 anos.
O alcalde, en nome do goberno local, considerou xustificadas as peticións anteditas polo a que as comparte, insitindo especialmente na do comedor escolar para o colexio e na obra de rehbilitación integral do porto. Tamén realizou outras peticións:
-Petición de axuda para construir un sendeiro que comunique Pontecesures e Padrón pola antiga ponte de ferro do ferrocarril.
-Elevación dos pasos de peóns nas rúas centrais na vila.
-Axudas para a construción dun edificio de usos múltiple con centro
sociocultural.
-Axudas para dotar de caucho as zonas de xogos dos parques.
-Subvención para a festa gastronómica do churro.
-Que a Xunta asuma o custo do dun ancheamento realizado no pasado na rúa dos Mariñeiros con construción dun muro (sobre uns 13.000 euros) sobre o que, ao parecer había un compromiso de financiamento.
-Que se xubvencione a recuperación das fontes do monte municipal
Salgueiras-Lagoa, que abastecen de auga ao municipio por gravidade e de xeito moi económico varios meses do ano. Sobre este tema aclarouse que a petición xa foi realizada polo goberno anterior en marzo pasado (Fondo Medioambiental) e que se está a espera de recibir contestación. A actuación importa uns 40.000 euros.
Cores Tourís manifestou que tomaba nota das necesidades para telas en conta no posible en futuras actuacións aínda que incidiu na crise xeral que vivimos e dos escasos recursos das administracións.
Toda a zona do Caldeirón de Arriba de Porto e rúas adxacentes, quedará sen auga mañá luns, de 9 a 13 horas por mor da obra de saneamento e abastecemento que se está a executar e que pertence ao Plan Provincial de Obras e Servizos 2011.
En la rúa Caldeirón de Arriba de Porto comenzaron las obras de pavimentación y saneamiento, incluídas en el PPC 2011. La empressa adjudicataria, construcciones Caamaño, avanza con los trabajos “a bo ritmo”, indica el edil Luis Sabariz. La actuación, además de mejorar los servicios y el firme del vial, permitirá ganar terreno para la calle, posibilitando el paso de vehículos más anchos. Esto será posible gracias a la cesión de terrenos de dos particulares. con uno de ellos el Concello cerró ayer las negociaciones.
DIARIO DE AROUSA, 26/05/11
No programa electoral da Agrupación Cidadá de Pontecesures levase a realización de xestións para conveniar coa Deputación de Pontevedra a execución da obra de rehabilitación do víal provincial que no rueiro municipal leva a denominación de Rúa dos Namorados de Porto, que vai paralelo á vía do tren. Xa hai un documento da obra, asinado polo técnico Carlos Besada Ferreiro, e a actuación consiste na renovación de todos os servizos con soterramento, a colocación de nova iluminación, a creación dunha praza nunha das marxes, a construcción de novas beirarrúas e outras melloras.
Preténdese tamén mellorar os interiores de Porto como se viño facendo nos catro últimos anos, con novas pavimentacións en cemento con cor e adoquíns, e executando á para obras de mellora das conduccións de auga e saneamento.
O goberno local de Pontecesures anuncia as actuacións que teremos neste verán de 2011 e que son subvencionadas ao 60% pola Consellería de Cultura e Turismo, dentro do program “Galescena”
Venres 1 de xullo, as 21 h. na Prazuela: espectáculo de Acordeóns “Fernando Fraga Acordeons”. No día de comezo das Festas do Carme na localidade teremos está interesante actuación de acordeóns, uns instrumento con moitos seguidores nesta zona.
Venres 29 de xullo no parque de Carreiras, títeres Cascanueces, ca obra “O ferreiro e o diaño”. Volve o goberno local a programar un acto en Carreiras para levar este tipo de actos culturais a lugares alonxados do centro da vila.
Venres 12 de agosto, na praza dos Valeiros en Porto, Beart teatro, coa obra de títeres “O soño do rato”. Con este acto darán comezo as festas do San Roque de Porto 2011.