Praza de Abastos

Rifirrafe entre o alcalde de Pontecesures e os socialistas polas obras financiadas pola Deputación.

Hoxe tivemos pleno extraordinario e urxente para aprobar o expediente de contratación dunhas obras que van a supoñer un cambio importante na zona portuaria e arredores da praza de abastos.

Un proxecto que se denomina»Recuperación do espazo público de Pontecesures cara á Ría» con un orzamento de 450.000 ? e no que leva traballando desde o mes de maio o equipo de goberno, os técnicos do Concello,un gabinete xurídico especializado en contratos do sector público e un estudio de arquitectura que elaborou o proxecto dedicándolle moito tempo para conseguir sacalo adiante a tempo.

Sen entrar en cuestións de arquitectura, unha das melloras que máis se vai agradecer é a construción de dous parques infantís na zona do muelle que tanto demandan as nais e os pais do pobo, un deles para nenos ata 4 anos e outro para nenos entre 4 e 14 anos.

Levarán un total de 10 xogos adaptados ás diversas idades, desde balancíns individuais ata conxuntos de torres e tobogáns.

Pois este inxente traballo por parte de un montón de xente para buscar e acadar financiamento para este tipo de proxectos, deseñar, elaborar os pregos de condicións, tramitar toda esta documentación por persoal administrativo do concello etc, foi tildada no Pleno de esta mañá polo portavoz do Psoe, o Sr. Araujo como «incompetencia a todos os niveis dos que interviñeron neste proxecto».

Confeso certa incomodidade polo adxectivo… facía tempo que non me tildaban de incompetente, tendo como teño moito fallos, considero que todos os que dun xeito ou doutro aportamos horas para conseguir este e outros proxectos que iran xurdindo este ano non nos merecemos tales cualificativos.

Estou seguro que @s veciñ@s de Pontecesures non lle terán en conta este exabrupto do Sr Concelleiro Araujo, supoño que se deberá mais á unha falta de información que a outra cousa…aínda que tivo desde o venres pasado para consultar o proxecto e agora que o recordo nin el nin ningún membro da oposición se acercou a velo para ter un criterio formado á hora de votar nun Pleno…..

Juan Manuel vidal Seage

Resulta doado tratar de confundir á veciñanza? Sempre estaremos A FAVOR de facer obras que melloren a calidade de vida dos nosos veciños e veciñas; sempre estaremos A FAVOR de afrontar inversións na nosa vila? o que criticamos é que asuntos tan importantes como éstes (ainda recoñecendo a dificultade da súa tramitación), sexan levados sempre a plenos urxentes e extraordinarios, apurando prazos, limitando o tempo para que os concelleiros e concelleiras da oposición poidan revisar os proxectos, poñendo en perigo acadar as subvencións e engadindo un gasto extra ao Concello pola convocatoria a ditos plenos.

Polo tanto, non falamos do obxecto da obras, senón da lentitude e inoperancia do equipo de goberno. Este proxecto foi presentado á Deputación de Pontevedra o pasado 18 de setembro (fai nove meses!), tempo dabondo para presentar o proxecto á aprobación do pleno? Sempre pode haber quen pense mal, e estes retrasos sexan só unha estratexia para acometer os traballos en vésperas dunha convocatoria electoral, pero en fin, son opinións.

Por certo, este proxecto, ao igual, que o aprobado fai dez días (tamén en pleno extraordinario e urxente, para a mellora da mobilidade e a seguranza viaria nas rúas do Castro e Infesta), son financiadas pola Deputación de Pontevedra? sí, ese organismo que o agora alcalde Pontecesures (xunto con outros correlixionarios), ??okupou? en novembro de 2016 para protestar polo reparto de fondos de dito organismo aos concellos.

Socialistas de Pontecesures

O Sr Araujo semella que non oímos o que se dí dende a outra punta da mesa?. O feito de que ningunha concelleira do BNG se sentase onte no pleno facilita moito as cousas á hora de que non haxa obstáculos físicos entre vostede e eu cando intervimos no Pleno?.

i) Non resulta fácil confundir á viciñanza? eso é o que pensa vostede?. A viciñanza é mais intelixente do que vostede cree..

ii) O proxecto foi presentado fai 9 meses?. Pero concedido en Maio?..¡¡¡

iii) Falou vostede de incompetencia a todos os niveis?. Pregunteille no Pleno dúas veces que aclarase a quén se refería co de incompetente?.e non soubo desenvolverse da tremenda falta de respeto que acababa de cometer..
iv) Xa que vamos de salva patrias e un xa vai sabendo a que xogan vostedes voulle a proponer un reto?
Probe a preguntar a algún dos que se sentaban daquela con vostede cando gobernaban a ver se andou pola, para vostede tan querida Deputación,facendo todo o posible para que este proxecto non fose adxudicado a Pontecesures??
E mo conta no próximo Pleno Extraordinario e Urxente?..

Juan Manuel Vidal Seage

Por Redacción, hace

RESOLUCI?N DA 4ª EDICI?N DO «TAPEALAMPREA» DE PONTECESURES.

O vindeiro mércores 14 de marzo ás 13.00 horas no Salón de Plenos da Casa do Concello, procederáse á apertura das urnas para o reconto dos folletos correspondentes ao TAPEALAMPREA 2018. Deste reconto sairán os establecementos hostaleiros que recibiron máis votos (1º, 2º e 3º).

Así mesmo, tamén se procederá ao sorteo, entre os folletos, dos 3 premios en metálico (50, 30 e 20 ?).

Este será un acto público aberto para tódolos veciños/as.

Posteriormente informaráse, a través deste medio, dos 3 establecementos gañadores e dos 3 agraciados cos premios en metálico.

O venres 16 de marzo ás 13.00 horas no Salón de Plenos, entregaránse os premios en metálico.

O domingo 18 de marzo -FESTA DA LAMPREA- entregaránse os diplomas aos 3 establecementos hostaleiros que recibiran máis votos. Esta entrega será no peirao de Pontecesures – a carón da Praza de Abastos- despois do pregón da Festa da Lamprea (o pregón comeza ás 12.00 horas).

Por CONCELLO DE PONTECESURES, hace

Duras críticas do BNG de Pontecesures en relación coa programación do Nadal.

Coa atípica celebración do patrón de Cesures, San Xulián, poñemos hoxe fin á programación navideña no noso concello

Dicimos poñer fin e programación por dicir algo, xa que, como é habitual dende que o señor Seage máis o seu equipo de goberno rexen o devir de Pontecesures, as actividades que se viñan celebrando nos últimos anos (talleres, cine, teatro, especialmente para entreter ós máis pequenos durante o período non lectivo) deixaron de realizarse sen que fosen remplazadas por outras novas.

Comezou o señor Seage a campaña navideña co tradicional pincho que se celebra cos traballadores do Concello, convidando á oposición, mediante chamada telefónica, unha hora antes de celebrarse o ágape. Rematou coa excepcional cabalgata de reis, superando o esperpento do ano pasado, dando por finiquitada a visita dos reis magos ás sete menos cuarto da tarde, nunha das cabalgatas con menos afluencia de xente que se recorda. En hora e cuarto, asunto zanxado e cada un a súa casa; así se fomenta e promociona o comercio e a hostelería no noso pobo, así se traballa para convertir a Cesures nun pobo pantasma.

Os nosos parabéns ó señor Cadilla, concelleiro de Cultura polo completo programa de actividades lúdicas desenvolto durante o Nadal; os nosos parabéns o señor Francisco García Sobrino, concelleiro de Comercio e Hostelería, pola inxente labor que está a realizar a favor do comercio local e da hostelería, especialmente durante a campaña navideña e, particularmente, co traslado do mercado (menguante) mensual á lameira do muelle. Eso sí, a praza de abastos, quedou moi ben pintanda; agora só falta que entre a xente a mercar nela?.
Pero, sobre todo, os nosos parabéns ó señor Seage por capitanear a este equipo de #xentecapacitada que tanto prometía cando estaba na oposición criticando a xestión do anterior equipo de goberno e, agora, non son capaces nin de elaborar esa programación navideña que fai un par de anos tanto denostaban.

BNG Pontecesures

Por Redacción, hace

Os socialistas critican a decisión de mudar o emprazamento do mercadiño de Pontecesures.

No día de hoxe demostrouse que a decisión de cambiar o emprazamento do mercadiño mensual de Pontecesures non foi acertada.
A nova ubicación, nun lateral da praza de abastos, é un lugar desprotexido do vento e da chuvia tanto para vendedores como para clientes, e está ao lado dunha auténtica lameira, como é o terreo propiedade do concello de Valga.
As continuas baixas de vendedores non fan máis que confimar o que xa é un feito: que o cambio de ubicación levado a cabo fai seis meses, -motivado para satisfacer peticións particulares, máis que buscar o interese xeral do pobo, creemos nós-, acabará por finiquitar esta iniciativa xurdida para reactivar a economía local e animar as rúas do pobo.

Socialistas de Pontecesures

Por Redacción, hace

Adxudicación da obra MELLORA DA IMAXE EXTERIOR E DOS ACCESOS DA PRAZA DE ABASTOS

O 23 de outubro de 2017 adxudicouse a obra:

MELLORA DA IMAXE EXTERIOR E DOS ACCESOS DA PRAZA DE ABASTOS

Enlazando coas actuacións precedentes (Mellora da imaxe interior), cómpre exteriorizar esa nova imaxe á envolvente exterior do mercado, transmitindo á veciñanza e ao visitantes (peregrinos, turistas, compradores doutros municipios, …) esa imaxe de modernidade e de espazo dinámico e multifuncional, imaxe que invite a visitar a zona, a entrar no edificio, a probar e mercar os produtos, … en definitiva, a empregar o propio mercado e o seu entorno como un espazo de vida común e de relación social, sen perder a perspectiva do seu fin último, o comercial.

Dentro desta liña, resulta fundamental mellorar a imaxe da fachada norte, que é a que serve de telón de fondo dun gran espazo aberto que serve tanto como aparcamento (a diario) como de zona de celebracións populares (como a Festa da Lamprea) e que, se ben actualmente é pouco máis que unha explanada parcialmente pavimentada, está chamado a ser o espazo público (zona verde ou praza) central do concello, tanto pola superficie como pola súa situación, en contacto directo co núcleo urbano e co río Ulla e a súa zona portuaria. Esta fachada é a imaxe máis clara que todo aquel que aparca na explanada ou que transita polo vial do porto (pola marxe do río) recibe do mercado. De aí a importancia de que toda esta xente, que as veces non chega nin a decatarse de que está aparcando ou pasando xunto a un mercado, reciba unha imaxe moito máis nítida dos usos e posibilidades do edificio do mercado.

Para todo isto, prevese realizar as seguintes actuacións:

– Renovación das carpinterías exteriores, cunha nova imaxe homoxénea e moderna para todas elas.

– Eliminación da maior parte do cableado e instalacións (acometida eléctrica, cables de telefonía, mangueiras de auga sen uso, …) ancladas ás fachadas.

– Mellora da sinalización e iluminación exterior: colocación de rotulación exterior nas fachadas norte e este, coa mesma tipografía e tipo de letra (metálica) empregada para homoxeneizar a rotulación dos postos interiores.

– Mellora da imaxe estética da fachada norte: repintado da zona enfoscada, co grafiado dunhas siluetas (que transmitan as moitas actividades e que poden estar pasando no interior e no exterior do edificio), instalación de 3 novas luminarias, e instalación do logotipo do mercado.

– Construción dunha plataforma (beirarrúa) pavimentada en pedra xunto a fachada norte do mercado, que permita unir as dúas praciñas existentes nos extremos este e oeste (ambas co mesmo tipo de pedra) ao tempo que retire todas posibilidade de aparcar coches e furgonetas pegados á propia fachada.

– Mellora da accesibilidade do mercado, coa apertura dunha nova porta na fachada norte, que serva para diferenciar o acceso de mercadorías do de clientes.

– Instalacións duns toldos ou parasoles que melloren a utilización e o acceso pola porta oeste (cara o río).

– Cambios dos caneiros e baixantes nas fachadas norte e este, por uns novos de cinc.

Ademais, interiormente prevese a rotulación da florería e a mellora da instalación eléctrica mediante a individualización dos elementos de medida dos postos, coa finalidade de mellorar a eficiencia enerxética do edificio completo.

A obra foi adxudicada por un importe de 54.875,36? dos que a Consellería de Economía Emprego e Industria da Xunta de Galicia a través da subención Mercados de Excelencia 2017 aporta 16.445,53? e o Concello de Pontecesures a través de fondos propios 38.429,83?

Por CONCELLO DE PONTECESURES, hace