sábado

*Escrito ó Subdelegado do Goberno*

[photopress:venta_estacion.jpg,thumb,pp_empty]Na noite do sábado ó domingo pasado volveuse a formar, coma sempre, un concurrido �??botellón�?� nos andenes da estación de ferrocarril de Pontecesures producíndose danos como de costume (nesta ocasión foron derrubados varios listóns da marquesina, foi apedreada unha luminaria deste elemento de protección para os usuarios do tren e foi arrancada unha papeleira do recinto).

Outra noite na que houbo unha concentración deste tipo foi danado a patadas o portal do garaxe situado na parte traseira do edificio situado na rúa Sagasta núm 10 (esta preto da estación) coa conseguinte denuncia interposta pola comunidade de veciños.
Por outra banda varios veciños dos edificios situados nas rúas Rosalía de Castro, Castelao e Estación protestan a miúdo diante deste concelleiro polos ruidos procedentes do �??botellón�?� dos andenes ferroviarios.

Polo exposto e como tantas outras veces, solicítase que se adoptan medidas para impedir estes feitos no futuro.

Despois de varias xestións realizadas, a Xefatura de Estacións de ADIF en León adxudicou a obra de arranxo da estación de Pontecesures por un importe duns 17.500 �?� e nos vindeiros días colocaranse portas antivandálicas, limparanse e pintaranse as fachadas do edificio, pintarase a marquesina do andén segundo, eliminaranse os desperdicios da zona de carga, etc.. Agora ben; senón se adoptan medidas eficaces para defender o edificio e o seu entorno en pouco tempo teremos o mesmo problema para vergoña de tódolos cidadáns de Pontecesures, especialmente para os usuarios do ferrocarril, que teñen que soportar a espera para acceder ós vagóns nunhas instalacións impensables nos tempos que vivimos.

*Por Luis-Angel Sabariz Rolán*