sabariz

A ACP pide que se active a colocación de tecnoloxía LED nos semáforos.

Por resolucion de xuño pasado do Instituto Enerxético de Galicia (INEGA), concedeuse unha subvención de 8.246,87 euros ao Concello de Pontecesures para renovación dos semáforos do municipio (o concello ten que achegar a diferenza ata os 11.781,24 euros que é o importe total da actuación).

Con satisfacción recibeu a ACP no seu día a boa nova, logo da solicitude do goberno local a proposta da Policía Local á que hai que agradecerlle a iniciativa, pois a colocación de tecnoloxía LED na iluminación dos semáforos existentes na Avda. de Vigo, rúa Ullán, rúa Redondo e Avda de Arousa, abarata tanto o consumo dos semáforos como os gastos de mantemento dos mesmos.

O que lle pide a ACP ao goberno local é que axilice os trámites para que a colocación das luces LED sexan unha realidade canto antes pois así máis se aforra, pero é que ademais o prazo de xustificación da subvención diante do INEGA remata a mediados de outubro e sempre é convinte non esperar a última hora para realizar a instalación e para enviar a documentación xustificativa evitando problemas para o ingreso da cantidade concedida.

Pontecesures, 01/09/12

Luis Ángel Sabariz Rolán
Concelleiro da ACP de Pontecesures

Por Luis Angel Sabariz Rolán, fai

Contestación ó Sr Sabariz pola reixa no Camiño Portugués en Condide

Logo da nota de prensa publicada no día de hoxe  na que o Sr Sabariz reclama a reparación dunha reixa no Camiño Portugués, á altura de Condide, na que mostra unha foto na que se ve a falta da reixa e a colocación duns ramos, o equipo de goberno quere matizar o seguinte:

  1. Xa o día 25 o equipo de goberno se percatou deste incidente e se enviou á Policia Local ó lugar. Despois de recolocar a reixa nos puxemos en contacto con técnicos do Xacobeo para informalos do incidente.
  2. No día de onte técnicos do Xacobeo xa estiveron na zona e quedaron en solucionar o problema o antes posible.
  3. Este equipo de goberno considera que este tipo de actuacións son as normais que se realizan a cotío e que non é necesario facer notas de prensa tódolos días tal e como facía o Sr Sabariz cando gobernaba.
  4. Agora ben, o que si queremos lamentar é a actuación do Sr Sabariz xa que constantemente mediante mentiras e medias verdades intenta desacreditar a laboura do equipo de goberno, intentando que quede na cidadanía a sensación de que o goberno non fai nada. Para demostralo queremos que o propio Sr Sabariz nos explique porqué a foto que lle enviou onte ós medios coma se fose sacada o dia 28, realmente é anterior ó día 25 tal como se demostra na fotografía sacada pola Policia Local, onde sí figura o día que se realizou. Vendo a foto vese claramente que a foto do Sr Sabariz é anterior xa que si fose posterior o único que daría que pensar é que retirou a reixa para facela foto, demostrando así a súa obsesión por utilizar calquer tipo de medio pouco ético para criticar ó goberno.
  5. O que lle pedimos ó Sr Sabariz é que faga unha oposición responsable sen a utilización da mentira, da hipocresía e da demagoxia. Non todo vale excusándose que a laboura da oposición é criticar.

Foto enviada por Sabariz ós xornáis o día 28

 

 

 

 

 

 

 

 

 

 

Foto feita pola Policía Local o 25 de agosto

 

Por CONCELLO DE PONTECESURES, fai

A pesar da súa recolocación hoxe, segue solta a reixa do Camiño Portugués en Condide.

Neste día enviouse á Xerencia da S.A. de Xestión do Plan Xacobeo o seguinte escrito:

“Logo da comunicación de onte sobre a grave perigo, sobre todo para os ciclistas, que representaba a reixa de pluviais solta e levantada no tramo de Pontecesures do Camiño Portugués da Ruta Xacobea (zona de Condide) alguén hoxe recolocou a verxa e retirou as ponlas que puxeran os veciños para advertir do perigo.

Porén; hai que lembrar que a reixa, ainda que está no seu sitio agora, segue solta nos seus apoios laterais ao pavimento e o normal é que, en calquera intre, se mova deixando o oco de novo.

En consecuencia, prégase que se realice unha pequena actuación fixando con formigón a verxa ao pavimento de adoquín existente para impedir que cada dous por tres esteamos con este problema que pode causar un disgusto. ? preciso que se faga unha actuación en certo modo definitiva para tranquilidade de todos.

Pontecesures, 29/08/12

Luis Ángel Sabariz Rolán”

Por Luis Angel Sabariz Rolán, fai

Fuego cruzado por una procesión de San Roque entre el tráfico de Pontecesures.

CELEBRACIONES. Las fiestas del barrio pontecesureño de Porto han generado un auténtico fuego cruzado de declaraciones entre el gobierno local (BNG, PSOE y TeGa) y los independientes (ACP) de Luis Ángel Sabariz. El motivo: la falta de efectivos de Protección Civil para cortar el tráfico en la rúa de San Lois durante la procesión de San Roque. Así, según el ejecutivo local, nadie de la comisión solicitó la presencia de voluntarios, mientras que la oposición subraya que durante su gobierno ??sempre foi preparado un operativo por parte de Protección Civil, independentemente de se había ou non escrito da comisión?. En cuanto al parecer de la comisión, la concejala nacionalista Cecilia Tarela asegura que no existe malestar alguno por los hechos entre sus miembros, acusando a Sabariz de ??mentir?. El aludido, por su parte, deja claro que ??diga o que diga o goberno, foi un detalle moi negativo”.

Cecilia Tarela, concejala del Bng: ??Entre as peticións da comisión en ningún momento viña reflectido este curte de tráfico?

Luis A. Sabariz, edil de ACP. ??O cura entre os vehículos, a imaxe do santo na beirarrúa…e tocou na parte superior cun cartel?

EL CORREO GALLEGO, 29/08/12

Por Luis Angel Sabariz Rolán, fai

Contestación ao goberno sobre o traslado da imaxe de San Roque a Porto.

Logo das numerosas críticas por non cortarse ao tráfico as rúas no traslado en procesión da imaxe o pasado 23 de agosto (os coches obrigaron a desfacer a procesión na rúa San Lois), o goberno local nos sae dicindo que non houbo solicitude da Comisión de Festas de Porto para tal traslado, que non había policias locais de servizo nesa tarde, así como con acusacións contra este concelleiro, contesto o seguinte:

1. Sempre, cando tivo este concelleiro responsabilidades de goberno, foi preparado un operativo por parte de Protección Civil de Pontecesures para este traslado de véspera e así cortar as rúas para esta acto en cuestión, independentemente de se había ou non escrito da comisión.

2. Toda a poboación de Porto, e a maioría dos veciños de Pontecesures saben que a véspera do día grande das festas do San Roque de Porto a imaxe é trasladada a Porto en procesión. ? triste que o alcalde en funcións, (que leva máis de doce anos na corporación) e que ten unha dedicación exclusiva cobrando unha retribución todos os meses, non se entere de algo tan obvio. Desinterese e ineficacia total pola súa parte, pero tamén dos outros dous concelleiros que cobran (temos tres soldos na corporación).

3. Recorre o goberno local a formalismos coa comisión de festas que non van a ningunha parte, pero o certo é que ninguén do goberno local chamou á Protección Civil para que se realizase o corte de tráfico e dimos como concello un espectáculo lamentable. O cura entre os vehículos na calzada, a imaxe do santo pola beirarrúa que topou na parte superior cun cartel dun establecemento, a procesión desfeita, as queixas dos veciños alí, etc…..

Digan o que diga agora o goberno local, este foi un detalle moi negativo que non debe repetirse nunca.

Pontecesures, 27/08/12

Luis Ángel Sabariz Rolán
Concelleiro da ACP de Pontecesures.

Por Luis Angel Sabariz Rolán, fai

Problemas no traslado da imaxe de San Roque a Porto o 23 de agosto. Pídense explicacións.

Todos os anos, o xoves anterior ao día grande das Festas de Porto, trasládase, ao remate da misa ordinaria da tarde, a imaxe de San Roque en procesión dende a Igrexa Parroquial de Pontecesures ata Porto.

Deste xeito, onte, 23 de agosto, sobre ás 20:50 horas saíu a procesión da Igrexa, pero ao avanzar pola rúa San Lois atopouse cuns coches de fronte que avanzaban en sentido contrario pola rúa. Detivéronse, obviamente, tanto os coches como a comitiva. Logo duns instantes de confusión, a procesión tivo de desfacerse e tanto a imaxe como os acompañantes tiveron que avanzar na rúa San Lois polas beirarrúas, deslucíndose, obviamente o desfile. Foi formada de novo a procesión máis adiante, na rúa Carlos Maside.

As manifestacións de desagrado dos acompañantes e espectadores foron bastantes xa que ninguén entendía porque non se cortaron as rúas afectadas pola procesión ao tráfico como se fixo todos os anos. Unha imaxe lamentable da vila tomada ademais por unha cámara da TVG que tomaba imaxes para un programa televisivo.

Á este concelleiro pareceulle tamén mal o sucedido, e solicita ao alcalde en funcións, Ángel Manuel Souto Cordo, una explicación pública sobre as razóns de que non se procedera aos cortes necesarios de tráfico (co operativo da Policía Local ou de Protección Civil) para posibilitar o traslado da imaxe de San Roque en procesión. ? un acto que se celebra sempre nas Festas de Porto e non se comprende como ninguén do goberno local tivo a previsión de estar atento a estes detalles xa de tradición na vila. De novo teño a impresión que estamos ante un goberno local apático, onde prima o desinterese e a desorganización entre os seus integrantes.

24/08/12
Luis Ángel Sabariz Rolán
Concelleiro da ACP de Pontecesures.

Por Luis Angel Sabariz Rolán, fai