¿ Quen non perdeu o tren algunha vez? Non tan só as persoas, senón que mesmo algún que outro pobo “perdeu o tren” quedando en “vía morta”, mentres outros avanzaban máis co famoso AVE.
Agora tamén por decisión de Fomento e da señora ministra dona Magdalena Álvarez queren deixar os pobos das comarcas do Sar, Baixo Ulla e parte do Salnés sen o servizo dos trens de proximidades, causando a inquietude lóxica entre a cidadanía de “a pé”.
No mes de setembro o monitor que entrenaba ós piragüistas do Club Náutico, Jaime Feijóo Hermida, cesou por baixa voluntaria para se incorporar ó Centro de Tecnificación Deportiva de Pontevedra.
O concello presentou unha oferta de emprego na Oficina de Vilagarcía para contratar un novo monitor deportivo con formación en piragüismo para impartir as clases.
A selección terá lugar o venres día 9 ás 11 horas na Casa do Concello, e están convocados os aspirantes preseleccionadas pola Oficina de Empego, logo de facer a sondaxe correspondente.
No pleno celebrado onte en Valga aprobouse a proposta conxunta dos concellos de Catoira, Pontecesures, Padrón e Valga, de defensa do tren de cercanías Vilagarcía-Santiago.
Houbo 11 votos a favor (9 do PP e 2 do PSdeG-PSOE) e 1 en contra (BNG). Non asisteu ó pleno unha concelleira do PP.
Hoxe, día 5 de novembro, a partir das 20,30 horas, se debatirá a moción conxunta dos concellos de Catoira, Pontecesures, Padrón e Valga, por parte do pleno deste último concello, e que trata da defensa do servicio de cercanías entre Vilagarcía e Santiago pola vía actual.
NOTA DOS CONCELLEIROS NON ADSCRITOS DE PONTECESURES.
Ante as últimas novas sobre este tema (manifestación de colectivos, debates no Parlamento de Galicia, etc..), os concelleiros non adscritos de Pontecesures (Luis Angel Sabariz Rolán e Alfonso Diz Villar) queremos facer un chamamento a tódalas forzas políticas para que se valore a necesidade de manter e potenciar o tren de cercanías pola vía actual entre Santiago e Vilagarcía. Pouco importa agora de quén parteu a iniciativa ou quén aporta máis argumentos (todos somos coñecedores disto). O fundamental é conquerir un servizo en beneficio de tódolos cidadáns da comarca.
O BNG rexeitou no Parlamento galego a proposición de lei presentada polo PP sobre a implantación de trens de proximidade entre O Porriño-Vigo-Pontevedra; A Coruña-Ferrol e Ourense-O Carballiño por, sinalan, “non incluir a liña Santiago-Vilagarcía”.