O pasado mes de Abril a Xunta de Galicia impulsaba un convenio cos 28 municipios pertencentes ó distrito forestal XIX polo que as localidades interesadas poderían dispor de equipos de entre 4 e 6 persoas para realizar labores de limpeza, desbroce e extinción de incendios.
Mesmo despois de que algún dos partidos da oposición demandara do goberno municipal que se asinara ese convenio coa Xunta, o grupo de goberno anuncia que ten practicamente cerrado un acordo individual coa Xunta para a creación dunha cuadrilla de catro integrantes para dito fin.
Días máis tarde a Mancomunidade do Ulla-Umia, á que pertence Pontecesures, convoca ós representantes dos 5 municipios coa intención de avanzar no proxecto de constituír a través da mancomunidade brigadas anti incendios para os 3 meses de verán, reunión á que asistiu o concelleiro Roque Araujo en representación de Pontecesures, o cal preguntado sobre o asunto indicaba na prensa que lle parecía un bo acordo para o concello.
Indudablemente que o era. A mancomunidade presentou datos que avalaban o seu proxecto, de tal xeito que a Xunta de Galicia achegaría o 75% dos custos de persoal e materiais e a cantidade restante sería aportada pola Mancomunidade, co que a contratación de dúas brigadas para Pontecesures non tería custo para as arcas municipais.
Nun xiro imprevisto, o goberno municipal do noso concello desestima a proposta da Mancomunidade, sendo o único dos 5 convocados que non se adhire a este convenio e opta por manter a súa proposta inicial dunha brigada de 4 persoas con un custo para os veciños cesureños que ronda os 7.000 ?.
Deste xeito tan insólito o noso grupo de goberno opta pola opción de contratar unha brigada de 4 membros con un custo de 7.000 ? en lugar de contratar 10 cesureños sen custo algún.
Unha vez máis asistimos a outra mostra de xestión ausente de criterio lóxico, lesiva para os intereses dos veciños e desnortada no resultado. Nesta época tan falta de postos de traballo o resultado da xestión municipal son 7.000 ? máis de gasto e 6 persoas menos do noso pobo contratadas.
Semella que Pontecesures voltou ó século XVIII no Despotismo Ilustrado, cando era ??Todo por el pueblo pero sin el pueblo..?
No día de hoxe, seguro que moitos veciños de Pontecesures e principalmente o colectivo de artesáns do churro, terían dado ós membros do goberno municipal algunha que outra idea onde gastar ese diñeiro nestas festas do Carmen.
