ACP acusa ao alcalde de poñer trabas á acta que recolle o debate do gasóleo

A Agrupación Cidadá de Pontecesures acusa ao alcalde, Luís Álvarez Angueira, de retrasar a firma da acta do pleno do día 28 de xuño na que se debateu sobre o gasto do gasóleo nos vehículos municipais.

O portavoz dos independentes, Luís Sabariz, achaca esta situación a que o alcalde non está conforme co contido da acta redactada pola secretaria dadas as aseveracións que el fixo no pleno e que trata de «obstruír» a función dos concelleiros da oposición que precisan este documento para «actuar en consecuencia», di Sabariz.

A pesares de que xa pasaron tres meses, a acta segue sen ser aprobada pola corporación. En teoría debería votarse no pleno do día 25 de outubro.

:: La Voz de Galicia :: Ed. Arousa