Sabariz denuncia perante Traballo a «discriminación política» da súa cuñada

O concelleiro da Agrupación Cidadá de Pontecesures, Luís Ángel Sabariz, segue coa súa estratexia de denunciar ante as distintas consellerías o que non dubida en cualificar como «irregularidades» na xestión do goberno local de Cesures.

Neste caso é ante a delegación provincial de Traballo e a conta da contratación dunha conserxe para o Concello. Sabariz presenta un amplo informe, froito dunha ardua investigación, no que se detallan os pormenores dese proceso de contratación e no que, a xuízo do concelleiro, queda demostrada que a súa cuñada foi marxinada á hora de acceder a este posto de traballo «por razóns políticas».

:: La Voz de Galicia :: Ed. Arousa